Misc.

Update: My DHL Account (Borderlinx)

وصلت الشحنة التي طلبتها قبل يومين من أمازون الى بريدي الجديد في(دي اتش ال) وظهرت (فورا) على بريدي مع تفاصيل الشحنة .. طلبيتي كانت افلام وعددهم 2 وسعر الشحنة هي 7 دنانير !! أعلم ان السعر مبالغ به كثيرا وهناك فرق ربما بينهم وبين اراميكس تقريبا دينارين ولكن يبقى الان موعد الوصول .. طالما ان الشحنة وصلت بريدي هناك سأرى متى ستصل الكويت

‫38 تعليقات

  1. همم على قولتك لو صج وصل بسرعة، ممكن يكون بديل ناجح حق اللي مستعيل.. وان كان نطمح لعرض حلو
    السرعة + السعر المناسب
    ولا شرايك؟

    1. هذا اللي انا اقوله انه السرعة والسعر = توصيل ناجح
      لاحظ انا حسابي في امازون برايم وطالب شي من 10 ايام وعلى اراميكس وامس بس اللي طلعلي ان في شي بالصندوق وللحين ما وصل الكويت

  2. والله يا فرانكوم بغيت اسجل معاهم بس قلت اشوف ردك على الموضوع وجم التكلفة تبي الصج ما تسوا انطر اسبوع او 10 ايام ولا اني ادفع فلس زياده صج ارامكس حرامية وجذابين بس الارخص بالسوق

    مال انقط قطية ونفتح لنا شركة شحن ابرك من هالشركات النصابين :)

  3. توني اتصلت بارامكس

    ابتداء من هذا الاسبوع سوف يتم التخليص الجمركي عن طريق ارامكس يعني ماراح تتأخر الشحنه بالمطار

    سألته وين اقدر احصل قرار الجمارك الخاص بالتخليص الجمركي .. قالي هذا قرار داخلي عشان جذي ما انحط بالجرايد بس تقدر تراجع مدير عام الجمارك وتستفسر منه

    !!

    فعلا عذر اقبح من ذنب .. بصراحه قررت اخلي حساب ارامكس للطلبات العاديه مثل سيديات واخلي حساب دي اتش ال للطلبات الثمينه مثل الساعات و المجوهرات لأنهم فعلا ثقه و امان

    بس معقوله فلمين وزنهم اكثر من كيلو ؟

  4. اتصلت فيهم قالوا لي بس أقدر أفتح صندوق في أمريكا أما بريطانيا ما عندهم وسألتهم عن رسوم الجمارك قالوا 5% على القيمة الإجمالية بس يقول في قرار يديد من الجمارك!.. أنا أتعامل مع أرامكس بس بطوا جبدي بقرارهم الجديد واختي دفعوها 40 دينار قبل أسبوع تقريبا على طلبيتها بسبة الجمارك.. اتفقنا أن أي محل يوصل الكويت نطلب على بريد الكويت وقبل شهر كنت طالبه على بريد الكويت أغراض بـ 180 د.ك وليلحين ما استلمت أغراضي اتصلت بالمحل وقلت لهم.. كلموا فرع بريد أمريكا بالكويت قالوا لهم أن الجمارك حاجزينها!!! بالله هاذي حاله شكو.. اتصلت ببريد الكويت وقلت لهم ردت موظفه علي تقول مالهم حق الجمارك يحجزونها وقالت أتصل فيها الأحد بتشوف طردي وين راح!! وافضحت الجمارك تقول يحجزون أغراض الناس ويدفعونهم أرضية وتقول ياخذون الطرود ولا يقولون لأصحابها عنها كأن ما وصل شي وبعدين يتصرفون فيها يتقاسمونها أو يعطونها حق بيت الزكاة وبيت التمويل!!! يعني حاميها حراميها .. لو بريدنا سنع شاللي يحدنا على أرامكس ودي أتش أل .. نبي أحد يفضحهم ويكتب عنهم بالجرايد لأن مصخوها

    1. اراميكس مبدعين في خلق القصص
      والله يعوض عليج على اختج

      وفعلا نحتاج الى بريد سنع على قولتج

      كل وزارات الدولة يبيلها نفضة من الجذور

  5. just :

    frankom didn’t answered you :
    some or most of american stores dont have out of country shipping so its only in country shipping thats why these companies offer an american post address so you can buy and put your american post address and these companies again ship your post from there to your door step

  6. حبايبي اذا السلعة اكثر من 100 دينار طلبوها عن طريق البريد الممتاز انا كل مرة اطلب من ايباي واستلمه ببريد كيفان بدون رسوم جمارك ولاااااااا شي وخلال اسبوع واصل لا ارامكس ولا يحزنون واخر طلبية لي من الايباي كانت كاميرا كانون وعدستين بالف دينار وحبيبنا اللي بايعه لنا حاط الفاتورة ب500 دولار اي ما يعادل 150 دينار تقريبا عشان يراعينا شوي بالجمارك واول ما وصلت للكويت وصلني مسج بتلفوني راجع سنترال كيفان ورقم البعيثة كذا رحت هناك وخذيتهم مع اني ما دفعت ولا فلس حق الجمارك نهائيا
    وطلباتي كثيرة عن طريقهم وصلت لي 5000 دينار من الكترونيات وقطع غيار واشياء اخرى

    1. ظبطنا يابن الحلال
      انا اطلب اغراض سعرها 200 دك و ادفع 190 دك ضريبه و شحن !!!

      شسالفت كيفان و شلون نفتح صندوق هناك؟
      كل الشركات الامريكية توصل لي كيفان؟

      1. كل الشركات في العالم والافراد يوصلون الى كيفان طبعا عن طريق البريد الممتاز ما يحتاج تفتح صندوق بريد او شي كل اللي عليك عنوان البيت ورقمموبايل تستقبل منه المسج اللي يفيدك بوصول الشحنة الى مركز فرز البريد بسنترال كيفان وهم يداومون الصبح والعصر اول ما يوصل لك المسج فيه رقم البعيثة تروح للسنترال وتستلم بريدك بس تفتح الكرتون حق مفتش الجمارك ويطل عليه وشخطه توقيع على ورقة البعيثة وتوكل على الله
        صج انه اغلى بعض المرات من ارامكس بس اعتمد عليه حق الاغراض اللي يزيد وزنها عن 3 كيلو وسعرها ما يقل عن 100 دينار

        انا اقولك البريد الممتاز اعتمادي ومرات توصل الشحنة من نيويورك الى الكويت خلال يومين!!!
        طبعا عن طريق طيران يونايتد اذا من نيويورك وباقي الولايات ومرات عن طريق الطيران التايلندي اذا من تايوان وبقية دول اسيا والاماراتية او لوفتهانزا من اوروبا

  7. وهاذي خدمة جديدة تفتح صندوق في كاليفورنيا نفس نظام ارامكس والشحن على البريد المسجل او الممتاز وفيديكس اللي يريحك بس تدفع 8.5 دولار على كل شحنه تطلبها وهاذي تنفع حق طلبيات اللابتوب واكسسوارات الكمبيوتر وغيرها

  8. اشلون اذا بشتكي على البريد الممتاز

    طالبه نفانيف حفله من شهر ونص وليما الحين ما دقو علي مع العلم انهم واصلين من زمااان هذا على كلام الموقع اللي طلبت منه

لاضافة تعليق