FoodGallery

Smboosa Box

انها المرة الثانية التي أقوم بتجربة السبموسة (غير التقليدية) والتي تعودنا على أن نشتريها من المطاعم الهندية السريعة ، في سمبوسة بوكس تتنوع السمبوسة بحشواتها المختلفة من الجبنة العادية والستيك والدجاج المكسيكي والمشروم وصولا الى سمبوسة بالبيتزا!

كان طلبي الاخير هو 50 قطعة متنوعة بين العديد من تلك الاصناف ولكن هل تعادل روعة ومذاق السمبوسة التقليدية؟ بالطبع هناك من يفضل السمبوسة العادية بحشوة الجبنة أو الخضار أو حتى اللحم .. ولكن مع سمبوسة بوكس الامر مختلف قليلا فمع تنوع الحشوات تصبح السمبوسة الذ خصوصا مع توفر تشكيلة من الصوص أو ومنها الرانش والمايونيز وغيرها ، طبعا لم أتناول الخمسين قطعة لوحدي ولكن كان هناك مشروع قوي بأن التهم النصف

‫18 تعليقات

  1. شكلها يغري !
    أنا من زماان أمر على هالمحل وكل مرة أقول المرة الياية أييله وأنسى ;p
    شكلي هالمرة بنزل حتى لو مو يوعان
    ;p

  2. بالعافية

    بس عندي سؤال جدا حيوي ومصيري

    في شعر بالسمبوسة والا مافي؟

    أقصد حنا تعودنا على السمبوسة القديمة اللي كنا نلاقي فيها شعر .. لأن نكهتها بالشعر اطيب والذ

    :)

  3. جربتهم اكثر من مره واخذه مثلج واسويه بالبيت حلو شغلهم واذا تحب السمبوسه ومالك خلق تروح وحوسه جرب سمبوسه جبن الكبير تلقاه بالجمعيات وادعيلي ;)

  4. طلبنا منهم خمس مرات وبطلنا.
    والأسباب كالتالي:

    العلبة اللي بالصورة على ما يبدوا للصورة فقط. لأن في كل مرة اييبولنا الطلبية في علبة على شكل هرم، كل شيء مخلوط فوق بعضه. تطلع روحك وانت تقرم وتقط على امل يطلعلك اللي تبيه. المشكلة الكل يقرم ويقط وصار تبربس واحد عقب الثاني!!
    طلبنا منهم مثل هالعلبة اكثر من مرة، ووعدومة ولكن ما شفنى شي.

    السبب الثاني ان احنى نطلب نوع معين من السمبوسة ويقولون اوكي متوفر، وبعدين الطلب يطلع شيء ثاني على مزاجهم!

    السبب الثالث هو السعر… غالي على شنو؟ ترى كله سمبوسك!

    السبب الرابع هو الفلبينية اللي تاخذ الطلب. بللل.. قشرة مره وحدة وما تعرف تاخذ طلبات. زوجتي طلبت منهم وما عجبها تعاملها، بعدها بسبوعين نفس الاسلوب مع اختي!

    مشتهي سمبوستهم الحين والساعه وحدة يوعان مو متريق وقاعد اتشوق زيادة. ولكن منصجي اتهور واطلب منهم؟ لا يبا بتطلع من جبدي هالاكله. وكافي السببين الاول والثاني انهم يخلوني ابدل رايي.

لاضافة تعليق