News & Politics

مرة أخرى .. “ليش تخز؟” تنتهي بالقتل في الكويت

40.11_main

جريمة قتل أخرى راح ضحيتها شاب في مقتبل العمر في مجمع المارينا .. القتلة 2 من غير محددي الجنسية وآخر كويتي اعترفوا بجريمتهم فورا وبعد 16 ساعة من الجريمة!! .. الله يرحم الضحية ويصبر أهله .. مشكلة (خزني وأخزك) ومن ثم التطور الى القتل والعراك لاي سبب كان أمر غريب جداً… وأيضا الشباب لماذا يحملون معهم دائما الاسحلة البيضاء والمسدسات وغيرها؟ ماهو الهدف من حملها اذا كانت بالاساس النية مبيتة بإن اذا حصل شيء ما سأكون مستعد له!! هذا يندرج تحت القتل مع سبق الاصرار بكل تأكيد لامحالة … وضع نقاط تفتيش وأجهزة رصد عند مداخخل ومخارج المجمعات أمر أصبح ضروري بل أتمنى أيضا أن تكون مثل المطارات الامريكية والاوربية بحيث نرتاح تماما من هذه الفئة في المجتمع (الفئة الغير محترمة وغير متربية) .. أتمنى أيضا أن يتم عمل نقاط تفتيش مختلفة في الشوارع واصطياد هؤلاء الشباب وايداعهم في المخافر والسجون كي يتأدبوا

الصورة من الراي

‫6 تعليقات

  1. شنو نتوقع يصير من دولة تمشي على اهواء ومزاج ناس معينه وقليل الأدب وطويل اللسان ياخذ حقوقه كاملة واللي ساكت وفي حالة ويشتغل ويخاف الله ما له أحد. ديرة كل شي فيها بالواسطة واللي ما له ظهر لا يفتح حلجه واللي له قول اللي تبي ومحد يكلمك، كل واحد شايف نفسه احسن الخلق وهو الصح والناس كلها غلط ما أقول إلا الله يعينا على عقلياتكم الجاهلة

  2. السالفة عادية
    1- تصير بكل الدول مو بس الكويت
    2- الهوشة صارت تحت السلالم مو داخل المجمع , يعني لو حطوا تفتيش هم ماكو فايده
    3- لو يطبقون الاعدام بسرعه ما راح يفرق , هم بيظلون يتهاوشون
    4- كل يوم او يومين يصير طعن وقتل بس الي تسمع فيه يكون بمجمع , محد فيكم سمع بالطعن الي صار في بانزين الفيحا ومات واحد وكان الحادث برمضان الي طاف, والهوشه كلها كويتيين ماكو بدون عشان محد يبلشهم
    5-البدون فئه الدوله تعدها على ان تكون فئه اجراميه , لا مستقبل ولا وظيفه ولا شغل ولا مشغله وهم فوق هذا وين ما يروح ينذل , يعني يصير بقلبه حقد وغضب ومن يصير اي شي يبي يذبح !! يعني لا تتوقع من واحد بهذي الظروف يطلع امام مسيد ومو معناته ان هذا شي صح بس الحكومه تزرع وهذا الحصاد؟
    6- من علامات الساعه كثر الهرج وان القاتل ما يدري ليش قتل والمقتول ما يدري ليش انقتل؟
    7- ما يصير تلوم الداخليه ولا اي جهه بالدوله !! شبيسوون يحطون شرطي مع كل صبي يمشي ؟ ولا كل 5 كيلو يحطون تفتيش ؟!
    اخر شي اقول الله يستر على الكويت والحمدلله على كل حال, القتل صار عادي بهالزمن

  3. اي المفروض تكون الشرطه متواجده بالمجمعات والمرافق ,

    نفس ما الدوريات والمرور توقف بالخطوط السريعه وتتمشى عالدائري الثاني والخليج , يحطون امن وشرطه بالمجمعات ,

    الكويت صغيره والناس الي بتطلع ترا ما عندها غير المجمعات والشاليه , غيره ماكو يعني

    هذا بالنسبه للداخلية , الشغله الثانيه للاسف هو التربية, يهال بالمدارس يتهاوشون وبالاخير نقول خل يدافع عن نفسه , الكل يستقوى عالثاني قليل الي يتسامح وقليل الي يعلم اهله وعياله العيب والغلط والاعتذار , الله يحفظنا ويحفظكم وهذا وجهة رأي

    الله يرحمه ويصبر اهله

لاضافة تعليق