Misc.

ماذا يحصل في سنترال منطقة صباح السالم؟

رسالة وشكوى وصلتني عبر الايميل سأنشرها لكم :

::

السلام عليكم…
لدي شكوى على سنترال صباح السالم .. لعل وعسى أن يقرأها أحد المسئولين ويجد حلا لمشكلتي

الشكوى سلمك الله ان في يوم الاثنين 26-9 الساعة الواحدة والنصف ظهرا انقطع خط تلفون البيت… و هذا ليس بشي جديد لان كل يوم و الثاني فاصلين الخط مرة اعطال و مرة غلط من الفني..

بس هالمرة فصل الخط و رقمنا معطينه بيت ثاني ..على قولتهم بالغلط..الحين صايرلنا يومين انراجعهم ماكو فايدة.. انقولهم على الاقل فصلوا خطنا عن البيت اللي معطينهم بالغلط هم مارضوا.. انزين عطونا كتاب ان رقمنا اموصل بيت ثاني هم ما رضوا..احنا اشدرانا البيت اللي امصوليله الرقم قاعد ايدقق على منو..اشوه ان مافي خط دولي جان اتوهقنا صج.. والى الان لم يجدوا أي حل لهذه المشكلة !

::

أعلم أن مدونتي لاتصل الى أي مسؤول في أي وزارة ولكن أتمنى من أي موظف أو أي شخص كان يعمل في ذلك السنترال أن يتحقق من هذا الموضوع ويجد حلا له!

‫10 تعليقات

  1. نفس المشكله صارتلي بس ما استمر الوضع …. تقريبا يوم ورجع كل شي طبيعي …

    طبعا انا اتكلم عن سنترال العارضيه لان انا تابعله

  2. طبيعي ماراح تعطونك كتاب عساس ما تقدر تحجهم فيه او تقاضيهم
    بهالخطأ الفادح و افضل طريقه تكلم احد المسؤولين عن المشكلة
    و قم بقطع الخط الخاص فيك قطع مؤقت
    لحين حل المشكلة

    والله يكون بالعون

  3. انا خط بيتنا لي الحين ما رد ما ابالغ اسبوعين انراجعهم مره لي يومك صارلا فوق 9 اشهر خط بيتنا مقطوع… الشكوى لله

  4. احمد ربك عالنعمة !!

    إحنا جيرانكم بالعدان ، من 10 سنين والنت مايوصلنا حالنا حال الناس

    يقولون الكيبلات تعبانة !! انزين بدلوها … لأ ما يصير

  5. عادي المواصلات ماشيه على البركه قبل كنت باخذ منهم صندوق بريد بعد جان يقولون لي اخوي عندنا صناديق بس مفتاحين ماعندنا

    عفوا؟؟

    على البركه هالوزاره

    لا والعن شي لما يقولون الخط انت حر فيه واختار الشركه واخر شي عطونا واحد صفر

  6. انا من سكان صباح السالم
    والمشكلة نفسها ابيتنا مع خط التلفون مقطوع صارلة فوق الخمس اشهر و لمه راجعناهم يقولون اليوم او باجر نشغله
    و نفس المشكلة مايتغير شي

  7. شدعوا معطينه بيت ثاني ، جان قلت له ماودك تعطيه بيتنا بعد ؟؟! قطعه قطعه لا اقطك ورا الشمس ، راح يقطعه صدقني هههه

لاضافة تعليق