GalleryInternet & Tech.
لمحة سريعة: ويندوز 8 برو
قمت مساء أمس بتنصيب ويندوز 8 برو من خلال الموقع الرسمي للشركة وذلك بسعر 40 دولار تقريبا وخلال ساعة من التنزيل من الانترنت ونصف ساعة أخرى تقريبا أصبح النظام متوفر لدي بدون أي مشاكل ولله الحمد … البيئة الجديدة تتركز على شيء واحد فقط وهي Start فشركة مايكروسوفت أ{ادة الاستفادة بشكل أكبر من هذه الخاصية وذلك عن طريق ربط كل شيء في شاشة أساسية واحدة عند الشغط على ذلك الزر الشهير لتنتقل معها الى شاشة تفاعلية تظهر لك في (نوافذ) صغيرة العديد من المعلومات ومنها البريد الالكتروني – الطقس – الرزنامة – الصور – الفيديو – متصفح بينغ الشهير – أهم دول العالم والخرائط والتنقل بالاضافة الى Sky Drive (قرص سحابة) وأخيرا البرامج Apps من متجر مايكروسوفت
المميزات:
بشكل سريع ومن بين أهم المميزات التي لاحظتها مع النسخة الجديدة أن النظام بت اسرع من ويندوز 7 سواء في التشغيل او الاغلاق او الانطلاق من برنامج الى آخر .. كما أشرت في الاعلى فإن شاشة التفاعل الاساسية Start أصبحت رائعة للغاية وبتصميم جميل .. البحث عن أي لا يحتاج سوى كتابة أي كلمة من ثم تحديد ماذا تبحث عنه وفي أي قالب سواء في سوق البرامج او على القرص الافتراضي او حتى في جهاز آخر وما الى ذلك خاصة أننس أستخدم SSD بسعة 128 غيغا
العيوب (حتى أجد الحل):
تنصيب البرامج من المتجر يتوجه تلقائيا الى القرص الصلب الاساسي وبالتالي لم أجد أي معلومة على الانترنت تفيد أنني أستطيع تغيير النمط من قرص الى آخر .. الامر الثاني هو الحاجة الى انشاء حساب جديد (بريد من مايكروسوفت) على (هوتميل أو لايف) !! لاستخدام كل الخصائص الجديدة من سوق برامج – رزنامة – البريد والقرص السحابي وما الى ذلك!
كانت هذه لمحة سريعة قضيتها خلال أقل من 12 ساعة على نظام ويندوز الجديد
الكلام مو بالنظام ان شاء الله انه زين
الكلام على كمية الأجهزة الغريبة الي راح تطلع الأيام الجاية ! مثل لابتوبات بشاشات تش و خلافه
راح يصير اغراق للسوق بكمية اجهزة ، كل جهاز يقول الزود عندي
والله التابلت شكله يسوى :) شرايك ؟
يووووه لو اكتب رد ما راح اخلص :)
اعتقد وصلت الفكره
لووول:)
هل اقدر اسوي upgrade ولا لازم reinstall!!
تقدر على طول
انا عندي ويندوز 7 وصار 8 بدون لا أخسر أي شي
النظام راح يكون قوي ان شاء الله في الايام القادمة ومع التحديثات يتعدل كل شيء
خاصة ظهور اجهزة التابلت اللي باعتقادي راح تحتل سوق الاجهزة اللوحية
يعني تاخذ نظام مسكر iOS
والا تاخذ نظام ويندوز للتابلت وبنفس الوقت ممكن يكون نظام ويندوز كامل ؟
طبعاً كامل.
وبخصوص الحساب , شيء طبيعي والكل يتبع نفس الطريقة الحين , واذا ماتسوي ايميل يديد تسوي حساب .. مثل الاب ستور
:) والف مبروك يالغالي
تسلملي يالغالي :) ناطرين كل شي جديد منهم
النسخة اللي شريتها تستخدم للتحديث فقط يعني لازم بالاول يكون على جهازك ويندوز سفن او اكسبي ولا ممكن انك تسختدم هذي النسخة للتثبيت من الصفر
وجم حجم النسخة اللي شريتها
النسخة اللي عندي كاملة والكامل الله
اخوي فرانكوم انت مبين مافهمت سؤالي عدل
انا موقصدي نسختك كاملة ولا فيها نقص
انا بغيت اعرف نوع النسخة اللي ثبتها
لأنه حاليا فيه نسختين نسخة يسمونها ويندوز ابغراد
وهذي اغلب الظن اللي انت ركبتها لأنه لازم جهازك يكون عليه ويندوز مسبقا يالله تقدر تثبتها وعلشان جذي تشوف انها راحت مباشرة على القرص الاساسي اللي فيه الويندوز وقت التثبيت
والنسخة الثانية اللي يسمونها ويندوز سيستم بيلدر وهيه اللي تقدر تثبتها على الكمبيوتر اللي مافيه ويندوز يعني جنك مفرمت الجهاز من اول ويديد
عموما انا اللي لفت انتباهي السعر وايد رخيص فحبيت اتاكد منك نوع النسخة اللي شريتها
تحياتي
الحين فهمتك عدل :)
السموحة
أنا ركبتها مباشرة على ويندوز 7
يوم نزلت الويندوز اليديد في برامج ما اشتغلت ؟ و يمسح شي؟
اذا من 7 الى 8 مايمسح شي
اذا من فيستا لغاية 8 يمسح بعض البرامج
اذا من اكس بي الى 8 راح يمسح كل شي الا الملفات الشخصية
You can link your gmail account or yahoo or any other email account to MS. you can then log win with that account.
how ? please show me