GalleryMisc.

عدم احترام قانون .. ام عدم تربية ؟

التقطت هذه الصور خلال نهاية الاسبوع الماضي … هناك العديد من السيارات المركونة هنا وهناك في مواقف مجمع الافنيوز والشكر موصول للامن من المجمع الذين يقومون بوضع ملصقات على السيارات المخالفة ولكن أرى من الافضل أن يقوموا بتفريغ الاطارات من الهواء حتى يتأدب عديمي التربية

‫54 تعليقات

  1. ههههههههه
    والله زين يسوون فيهم !!؛
    بظل غياب الشرطه ماعندنا الا اخواننا الهنود عشان يعلمون الـيوفو الادب !!!؛

    على فكره ,,,هالستيكر من سهله شيلته ويترك اثر عشان الواحد مايفكر مره ثانيه يوقف بالممنوع …؛

    وبالنسبه لللأقتراحك (بتفريغ الاطارات من الهواء) ,هالاقتراح مطبق حاليا …وخصوصا في المطار …وفي مجمعات مثل (360) تحط ورا سياراتك مثل السلسله عشان
    ماتقدر تطلع الا لمن تراجعهم !!!؛

    مشكل

    1. ليش جبان ؟

      الي يسوون هالسوالف يوفو

      الي يسفطون غلط يوفو .. ها انا قلتها

      “احمل اخاك المسلم على سبعين محمل”

      1. سؤال اول واحد شنو سافط بطلعه ولا شنو

        ثاني شي يااخي ماادري شلون يسون هالمسافط سيدا مو مايله مثل مرينا ولا افنيوز لو واحد سيارته كبيرة ويسفط وراه واحد سيارته كبيرة بعد بياكل تبن واذا يمه واحد بعد لاصق فيه شوي ياكل زفت ويقدم تراي دي وار لما يطلع ولا يحك

      2. اخي المسلم
        في احد طلب منك ترد
        هل السؤال موجه لك ؟
        الجواب لا
        ونرجع للسؤال منو يقصد باليوفو ؟

  2. la la! 3adem altarbiya hathy qawiya. g3d tbaligh!

    Enas matasfe6 mamno3 ela on the weekends w fe 7alat za7ma w mayenlamon! mafe masafe6! its either that or yrid elbait! aham shay ena maykon sad 3ala a7ad and thats totally okay in my book

      1. فاتني الرد على تعليقك هذا يا اخوي فرانكوم
        و انت في تعليقي قلت ان ما في شي طارئ دامه مول افينيوز
        فهل اصبح للامور الطارئة استثناءات ؟
        اذا كان جوابك نعم
        اذا اعتقد تعليقي الاول تحت صحيح بنسبة 100% بناء على تعليقك هذا
        فانا احترم وجهة نظرك للامور و تعليقاتك كلها موضع اعجاب لي

        و سلامتك يا الغالي
        اخوك المحب
        كمبيوترجي

  3. oulla lesh sawaythom 3adeemen tarbiya frankom? il wa7id yay il avenues o za7ma .. shfeeha itha 6ag il ra9eef?? e mako mokan! za7ma! kil il kuwait bil avenues! ninthibir ibyootna y3ni? il wa7id wayn yi8ayir jaw bil kuwait 8air il mojama3at wil ma6a3im .. hathi 7alatna il kaseefa lil asaf il shadeed :P

    1. شوف قبل كم يوم صارتلي هالسالفة بس ماحبيت أتكلم عنها
      كن في حولي وصار معاي نفس الشي
      واحد صافط غلط ومسكر علي
      قدعت ربع ساعة أدق هرنات
      آخر شي الحبيب شافني لاضحك ولا اعتذر ولا قالي آسفين يالطيب شافني ومعصب وشوي ويطقني لاني كنت أدقدق هرنات

      هذي مالها أي تعريف ثاني غير
      قليل أدب ومو متربي

      عدل ؟

      1. Ee itha im9akir 3alek hatha shay thani! O without apologising that is I’ll mannered!!

        Ana mo 8a9di chithi!! I mean I got that sticker for parking on the ra9eef .. wasn’t blocking anyone or anything .. I’ve only done that once o kan 3eed so wayed za7ma .. mashala il avenues fee shkithir ma9afi6 bas yabeelha idwara bil weekend wil ayam il 3adiya bas bil 3eed! :o il 3alam 6ageen il ra9eef leh il na9ir il riyathi!!

        Sorry for the long comment:)

  4. الله شدعوه شدعوه بس عشان سووا جذي قلتوا عدم تربيه !!!!!!!

    ترا كلها سيارات ومسافط شكو التربيه بالسالفه .. خخخ والله حاله

    1. الى بشارع يسوي فوضه اكيد بيتهم فوضه لكن تطلع فوضتك والبيئه الى عايش فيها على البشر ترى مالهم ذنب ومكان عام وله احترامه وهذا يعتبر تعدي على الحق والذوق العام

    2. والله يا مالك حل ,,,لمن واحد من هالنمونه يسكر عليك وينقعك ساعتين وتضطر انك تبلغ اداره المجمع او تتصل بالشرطه واخر شي ييلك بارده مبرده ويحرك سيارته حتى ما يعتذرك ,,,,,بتستنتج ان هالشخص عديم تربيه !

    3. كلها مصفط ؟ انزين ليش ما تحب لاخوك ما تحب لنفسك مثل ما انت تتضايق اذا شفت احد مصكر عليك و واقف غلط الناس كلها تتضايق ،، يا جماعه ما يصير الدنيا مو سايبه عشان نشوف هالمصخره كل يوم !! ما اقول الا الله يعين

  5. انا اقول قلة ادب اللي يصفط ممنوع الوقوف او اللي ياخذ مكانين او ما يلتزم بالخطوط الارضيه

    اشدعوا صافط جذي
    الله يا كثر المواقف بالافينيوز السرداب
    و اللي ورا الادوار و اللي برا +
    الvalet
    انا بالويكند اروح عز الزحمه و القى موقف !!

  6. ما ابي اكون مكانه
    عادتي اركن السيارة في موقف رسمي او اذا ما حصلت اروح برى المنطقة و اركن السيارة في اماكن قريبة من المحلات التجارية و لو كنت مضطر اصفها قدام محل احد او عمارة اي احد اروح و اطلب اذن صاحب العمارة بركن سيارتي و رقم هاتفي عليها او صاحب المحل و رقمي عليها بعد
    جذي اضمن ان ما احد راح يسب فيني و في اهلي و اضمن ان ما حد يحط لي ملصقات و لا يبنشر لي التواير و لا يسوي الطالع و النازل بالسيارة

    و سلامتك
    اما هذا اللي راكن سيارته جذي
    خلنا من اتهامه بقلة الادب و التأديب و تعديم اخلاقه
    عشان ما ناكل ذنبه نقول الله يهديه و عسى ما شر صافط جذي يمكن اضطر لامر طارئ فلنحسن الظن حتى يحسن الناس الظن بنا
    فربما بيوم من الايام انت نفسك يا فرنكوم تصفط سيارتك بطريقة غلط مليون بالمية و تلقى كل خلق الله نازلين حش فيك على الصفطة هذي لكن ما يعرفون انك اضطريت تصفطها جذي لانك نزلت لامر طارئ جدا و لا يحتمل التفكير كيف تركن ما عذا الله و ربنا يحفظك و يبعد عنك السوء يا اخوي
    خلينا دايم نظن خير حتى لو كنا متأكدين 99% انه مصلحوة اللي صفط عاطلة

    و ازيدك من الشعر بيتين
    ليش ما تتوقع اني اللي صفط السيارة حرمة ؟؟؟
    ها بشرني الحين تقدر تقول شي ا تعتب عليها ؟
    ترى العلماء كشفوا ان المرأة قليلة الانتباه في الاماكن الحركية او اثاء الحركة تلقاها تصفط السيارة على درج الافنيوز و هي مو دارية بعد
    مع احترامي لكل النساء
    المقصد هو مضمون الكلام لهذا المقال لا اكثر للتعبير

    هذي وجهة نظر فقط
    لك ان تقبلها و لك كامل الحق برفضها او نقدها

    تحياتي يالغالي
    اخوك : كمبيوترجي

    1. ماودي أقول هالسافة
      بس ياما توصلني اتصالات طائرة جدا
      مستشفى ولا أي شيء آخر لما اوصل أدور مصفط ماذكر أني سويت شي غلط حتى وانا بحالة مستعجلة

      بعديم مجمع الافنيوز مو مستشفى أو مستوصف أو مخفر أو شي مهم ! عدل ؟

      1. عدل يا فرانكوم
        طيب بقولك شي
        انت ادرى بالديرة و خلني اقول اكثر مني
        شكثر رحت حولي و السالمية و الفروانية و المناطق هذي
        حتى بعض المناطق الداخلية
        اسألك بالله شفتهم كيف يصفون سياراتهم ؟

        عمارة من 20 دور
        و كل دور فيه 5 شقق
        و ما شاء الله تبارك الله
        جم باركنج في بالعمارة ؟
        15 فقط لا غير !!!!!!!!!!!!
        تهقى البقاي وين يصففطون سياراتهم ؟
        بالشوارع و ربي يا فرانكو اشوف بعيني هالشي ياخذون اليمين و الشمال فللللللللل
        طيب ما تسائلت ليش المرور ما يخالفونهم لانهم ما احترموا القانون ؟
        تدري ليش ما يخالفونهم ؟
        لان وزارة الداخلية بكبرها تعرف المصيبة اللي واقعة فيها البلد بازمة السيارات و الباركنج
        و يدرون ان ماكو مصافط لهم
        تبي تصف ابشارع اصفر و اسود و ما تتخالف ؟
        تعال حولي بعد الساعة 9 بالليل
        و اصفط
        و حقك على ذقني لو احد خالفك

        في اشياء يا فرانكوم
        مو لازم نحكم عليها بهالطريقة يا اخوي
        ما لازم كل شي نشوفه غلط شرط يكون غلط
        صدقني يا اخوي ما نبي نحط بانفسنا موقف كراهية او عدوانية اتجاه الغير
        و لا نبي ندش في السياسة اللي ما تييب غير المصايب
        انت تدري ان وضع البلد لا يحسد عليه
        لذلك ما له داعي نتهم الناس بقلة الاحترام او الادب
        لربما كان راعي السيارة انسان اكثر ادبا و اخلاقا مني و منك يا اخوي و حنا ما ندري من يكون اصلا

        ما اقولك شوف الغلط و اسكت عنه
        فالصامت عن الحق شيطان اخرس
        من حقنا ننتقد الغلط و ننصح بعدم تكراره
        بس مو من حقنا نتهم خلق الله بالغيب انهم عديميمن احترام

        و همسة لك يا فرانكوم
        ما يعاتبك الا اللي يحبك و يحترمك
        و انا عتبي عليك من هالشي
        اتركك تفهم رسالتي و مقصدي منها
        و باختصار
        ما احب اشوف احد بيوم من الايام يقول عن فرانكوم انه يحش بالاس في الغيب انت اخوي و انا ما ارضى لك
        و هذا السبب اللي يخليني اعاتبك و اغار عليك يا فرانكوم
        و اذا تشوف ان كلامي مجاملة ما منها فايدة او كلام جرايد
        فاعلم ان كلامي خطأ يحتمل الصواب و كلامك صواب يحتمل الخطأ
        و انا مسؤول عن كلامي

        احب لاخيك ما تحبه لنفسك

        ديرتنا محبوبة و واجبنا نحافظ على محبتها قدام الكل اي كان فليكن

        سامحني جدا على الاسهاب في الكلام
        انت اخوي و امون عليك ان شاء الله

        بحفظ الله

      2. آخ
        دخلنا لمنطقة حولي
        :)

        شوف هذي مو مشكلة الناس ولا مشكلة أحد ثاني الا اثنين

        صاحب العمارة اللي مايخاف ربه ومايسوي مواقف ومعتمد على اراضي الحكومة
        والحكومة اللي ترخص هالشي حقهم

        تبي عمارة عليك بالعافية بس سولك مواقف قبل كل شي واشرط لكل شقة موقفين

        تمون يابعد أهلي تمون :)

  7. والله أهو ممنوع بس مو لدرجة أن أسميه قلة أدب وعدم تربية لأنه مو مضايق أحد ولا امصكر على أحد

    أنا أشوف اللي يصفط أماكن المعاقين أو يأخذ مكانين هو قليل الأدب

    وترى فرانكوم إذا مشينا على الستاندارد مالك حتى اللي
    ما يربط حزام
    يتكلم بالتلفون
    ما يوقف وقوف كامل عند الدوار
    يمشي على الاشارة الصفراء
    كلهم مو متربين
    وحتى اللي يسحب أفلام من الانترنت
    واللي مو دافع فاتورة الماي والكهربا
    واللي عنده شاليه على البحر
    هم مو متربين
    فالبنهاية جميعها قوانين منتهكة لم تحترم

  8. مر رحنا الافنيوز بعطلة نهاية الاسبوع والزحمه قويه .. بس صفطنا الموتر بالسطح!! اول مره ادري ان السيارات تسفط بسطح الافنيوز!!ـ
    وشفنا منظر برج التحرير الشاعري الرومانسي انا والمدام وبعدين شرينا طاولة الاكل من ايكيا ورجعنا الشقه

  9. الشائع بالكويت حاليا
    اشتر لك بوعرام و اصفط و امش فوق الاوادم !
    صايره سمردحه السالفه !
    انا واحد من الناس اللي اذا ما لقيت موقف كلش كلش كلش .. اقول مو لازم و اروح مكان ثاني !
    لانه مره واحد صكر علي و نقعني بالساعات .. اظطريت اني اصير قليل ادب نفسه .. و اشتري علبة فانتا احمر و اصبها داخل سيارته من الفتحه اللي كان منسم منها بالتنته ! و طقيت رصيف و عورت سيارتي و رحت بيتنا بعد طول انتظار
    ناس ما تفهتم .. بالكثير بالكثير يا اخي مصكر على على سيارتي حط لي رقمك ادق عليك اقولك بطلع و انت تحرك سيارتك و تصفط مكاني و انا اروح بيتنا .. مو تصفطها و تنزل جنه مصكر على خدم ابوك اللي ما عندهم شغل غير ينطرونك !

    الافنيوز طول عمري .. السطح على طووووول .. لانه دايم تحصل فيه موقف ما عدا بالعيد .. و حتى بالعيد تحصل بعد .. ما اتعب عمري و افتر … سيدا على السطح و الله يخلي الاصنصير !

  10. عليكم بخدمة الباصات، من يذكر مبادرة الباصات اللي تودي الاطفال المدارس، خل يلغونها ويسوون الوجهه الى الافينيوز، ربحانين 100% لول

  11. لو مو سيارتي عزيزة على قلبي وتقديرا للعيش والملح اللي بينا جان رديت قري على هالسيايير انا بروحي يالله اشوف هالنوب امر بشارع ضيق والسبه سياره مالقت مصفط ياما افترينا ندور مواقف ورشينا سواويق عااادي

    ;p

اترك رداً على Azizan إلغاء الرد