News & Politics

صورة وتعليق

نشرت صحيفة الراي أمس (اليوم) على صفحتها الاولى صورة للرئيس الخرافي أثناء حضوره فيما يبدو عشاء (غبقة) عند النائب سعد .. الصورة مافيها شي على الاطلاق بس لاحظت أن الجميع (مشمّر) وناوين يفترسون الاكل أما الرئيس فقرر استخدام الملعقة

أنا لا أرى بها أي شيء على الاطلاق … لو كنت معزوم عند بدو أو ناس تاكل بيدها راح اطلب (قفشة) .. حتى لو اللي من حولي ضحكوا على الاقل آكل براحتي … خو مايصير آكل على راحتهم اهم

المهم … السفرة هذه سواء بالقفشة (الملعقة) أو حتى بالايادي البيضاء .. فيبيلها رجال

والله من وراء القصد

‫20 تعليقات

  1. الخرافي مو مستعجل على الأكل وعنده خير

    اما غيره هي فترة مؤقته يأكل الي ياكله لان السالفة بالدور وبالقرعة اليوم عضو باجر غيريك

    يعني لازم سريع سريع

    والعيش ألذ واطعم وانت تاكل باليد

  2. ومنو يقولك النائب يدفع شي من جيبه

    بعض القبائل ماتنزل فرعي الا وتدفع 5 الاف دينار

    واحسب

    يتم دفعها للفائزين بالفرعي ودعم للأنتخابات

    طبعا عندهم اكتفاء ذاتي صوتي

    يعني كرسي بلاش اكتر من كده ايه :)

  3. yes he is the (man) :)

    القبيلة تدفع حقه .. وهو من وين بالله ؟ مو من القبيلة ؟

    على العموم قبيلة قبيلة ناقة وحدة تنباع وسعرها يصك 100 الف تسوى الدنيا ومافيها

    ولا شرايك انت ؟

  4. شكو الناقه بالخرافي بالنائب

    عليك طلعات يا فرانكوم

    المهم انا راعي حلال لا تغلط على الأبل

    ترا ازعل صج

  5. ماكو طلعات انت طول بالك شوي وخل نحلل الكلام اللي قلته انت

    الخرافي شكو .. علشان اهو موضوع الحلقة والنقاش
    النائب شكو … علشان انت قلت ان اكو غيره ياكل بفترة وبس وبالصورة ماكو غير الخرافي ونائب ووزير وبعض الاخوة اللي مايقلون اهمية عن الثلاثي اللي قلت عنهم

    الناقة .. علشان انت قلت ان القبائل تدفع
    ودام يبت طاري القبائل وبما ان الصورة تبين منو النائب ونوع الاكل المقدم فمليون اكيد عشاهم او غبقتهم فخمة

    وانا اقولك اسأل عن الناقة أو البعير جم وصلت اسعارهم بعد انا قلت 100 الف يمكن اكون قديم وايد هذا آخر سعر شفته من خمس سنين :)

    بس اهم شي حلالك .. اقظب حلالك

    والاهم

    لاتزعل

    وهات بوسة :*

  6. فرانكوم العيش تاكله بقفشه واللحم تقطعها بشنو بقفشه

    اليد عالاقل بالاربع وعشرين ساعة تغسلها من سبع لي ثمان

    اكثر من القفشة بو مرة وتقطها من مكان لي مكان

    بس طبعا كل واحد ينام على الجنب اللي يريحه اما سالفة الضحك هذي يمكن اكثر من عشرين سنة ام الحين كل شي عادي الناس صارت عندهم الامور هذي عادية واصلا مو مهتم حتى لو تاكل باصابع اريلوك اللهم نفسه نفسه

لاضافة تعليق