Gallery

تكنيك بسيط في التصوير الفوتوغرافي

_L1A2368

مقال هذا الاسبوع من الزميل (محمد السعد) المصور المحترف الفوتوغرافي عبارة عن بعض التكنيكات الرائعة في التصوير خاصة لمن يرغب في تصوير الغيوم ! أترككم مع المقالة كما وصلتني منه

::

 بما انه الجو هذه الايام جميل خاصة مع الغيم .. وأيضا يعتبر موسم قريبا للسفر في الصيف في حركه جميله في مجال التصوير الفوتوغرافي اغلب المبتدئين في التصوير ويرغبون في تعلم ميزة (الموشن) Motion

ناس ودها اتخلي البحر يصير مثل الدخان او يكون ثابت
وناس ودها اتخلي الغيم متحرك
وناس ودها هل الاختيارين في الاعلى مع بعض!

بعض الي المبتدئين في التصوير ينتظرون وقت ظلام الدنيا قليلا للاستفادة من هذه الحركة ولكن للاسف لاتضبط في البداية وتسبب Noise بالصوره, او ان الغيم يروح, او ان الصوره تصبح مهزوزه, او او .. الخ

5L1A0503

علشان اتسوي هل حركه تحتاج بعض الاشياء:

1- -ترايبود – ستاند Tripod

بدونه صعبة تقدر تسوي الحركه لانك راح تخلي الكاميرا تصور تصوير بطيء مثلاً 10 ثواني ومستحيل تقدر انك تمسك الكاميرا لاكثر من 10 ثواني بيدك لأنه راح تهتز

2- ريموت

Shutter release

الريموت مهم في انك تتفادى الاهتزازات الخفيفة في التصوير حتى لو الكاميرا كانت على ترايبود+علشان تقدر اتصور في اكثر من 30 ثانيه (وضع البالب)

3-فلتر ان دي

ND Filter

الفلتر في منه نوعين فلتر مدور طريقه تركيبه مجرد اتركبه جدام العدسه عن طريق الفر

فلتر مربع راح تحتاج شيئين معه

1-رنق

2-هولدر

الرنق يركب أمام العدسه عن طريق الفر وفوقه تركب الهولدر وتركب الفلتر بالهولدر (يمكن اتحس انه لويه واذيه شوي, لكن طريقه التركيب ماتاخذ معاك اكثر من دقيقه)

نتكلم عن الفلتر شوي الفلتر في منه ارقام وايد مثلن 3,6,9,10 كل ما زاد الرقم كل ما كانت فتره التصوير اطول يعني رقم 10 يسمى فلتر

5L1A01016_tonemapped

Big Stopper

بهل فلتر بعز الشمس الساعه 12 الظهر تقدر اتسوي الموشن على البحر والغيم انزين شنو الاحسن المدور ولا المربع؟!؟! المربع احسن والسبب انه جودته في الصنع احسن من المدور + الكواليتي في خيالي ومن احسن الماركات ماركه اسمها

Lee Filter

شوي غاليه لكن سعرها فيها المدور في ماركات وايد زينه لكن ماتوصل حق مستوى الماركه الي ذكرتها فوق ومن احسن الماركات في الفلاتر المدوره ماركه اسمها

B+W

ملاحظه:سواء تبي تشتري فلتر مدور او مربع تاكد من حجم العدسه جم, لانه الاحجام تختلف ولمعرفه حجم العدسه. افتح الغطى الامامي للعدسه واقلبه راح تلقه مكتوب رقم ويمه حرفين.

امثله على هل الارقام

52mm 67mm 77mm 82mm
او انك تقره بالنت عن عدستك. وكل ما كبر الرقم كل ما زاد سعر الفلتر.

5L1A8027

نتكلم عن الفلاتر شوي:

الفلتر في منه ارقام وايد مثلن 3,6,9,10 راح اشرح هل الاشياء بشكل بسيط جدا. كل ما زاد الرقم كل ما كانت فتره التصوير اطول يعني رقم 10 يسمى فلتر

Big Stopper

بهل الفلتر بعز الشمس الساعه 12 الظهر تقدر اتسوي الموشن على البحر والغيم. وفي نوع من الفلاتر المدوره كل ما اتلفه اكثر كل ما يزيد فتره التصوير. تجربتي الشخصية:الفلاتر المربعه احسن من الفلاتر المدوره في هذا النوع من التصوير

5L1A8701

5L1A953478

لاضافة تعليق