Misc.

بدون تعليق

أمس نشرت القبس في حادثة غريبة جدا وبصفحة كاملة عن الغترة وشلون نلبسها وكل نسفة عن شنو تعبر !! تخيلوا طلع عندنا نسفات الدنيا والدين وماندري عنها !! لا و أزيدكم النسفات في منها السياسي ومنها الخبل ومنها المضحك ومنها الجدي ومنها ومنها !! .. المصيبة انهم حاطين واحد متبرع ان يصور بالجريدة و اهو لابس الغتر بالاشكال السابقة .. تخيلوا موضوع عن النسفة واللبس وعن الغترة بشكل عام بس اللي مضبط النسفة سواء كان الشخص اللي بالصور او واحد ثاني … فهي صور ماتدل على ان الغترة هذي بجميع الاحوال غترة كويتية

ghetra

الموقع

***

شي حلو أن جرايد اليوم كلها تمدح سمو الامير بالخط العريض بسبب تحركه تجاه قرار الفيفا وتم رفع هذا القرار .. بس جريدة وحدة تمدح الرسول اللي سافر ووصل الرسالة فقط

***

بعض الصحف يقولون أن مشكلة الانترنت راح تخلص بعد 48 ساعة .. والبعض الاخر بعد 5 أيام .. والبعض الاخر يشوفون ان مو قبل بداية العام القادم

***

اذا غلط مدرس فوزير التربية راح يتم استجوابه … اذا غلط دكتور فوزير الصحة راح يتم استجوابه … اذا غلط شرطي فوزير الداخلية يتم استجوابه .. سيدنا آدم غلط والله تاب عليه وغفرله علشان نشوف الرحمة اللي عند رب العالمين .. بس الناس مافيها رحمة ، بالكويت الوزير صاير مثل (الاله) والعياذ بالله .. محاسب عن نفسيات وأطباع الناس كلها اللي تحته والنواب صايرين مايرحمون حتى الوزير قبل لايتخذ قرار وصله الاستجواب بسرعة البرق

‫10 تعليقات

  1. شخصية هلامية غير محددة الملامح ومضطربه

    مو ناقص الا يقولون وحمار بعد

    هههههههههههه

    بس حرام ترى وايد شكله مصري

    خوش باقة جرائديه منوعه فرانكوم

  2. هههههههههههههه
    شي مضحك ومبكي بنفس الوقت
    المضحك شكل الرجال الي المفروض يغطون وجهه والنسفات الغريبه وبالذات الي انت حاط صورتها فهي غير موجوده بالخليج كله الا اذا كانوا يقصدون الجريمبا فهذي ليست بجريمبا انما طفل يحاول يقلد اخوه بلبس الغتره

    المبكي

    سخافة الجريده والكاتب ورئيس التحرير
    والتعليقات الي تحت الصور طبعا كلها من تشيير كاتب المقال السخيف والي ما لها شغل بشخصيات الناس لا من قريب ولا من بعيد

    واشك ان الي كاتبها كويتي حتى الشماغ شكله غريب

    وايضا في شغله

    نسفتي غير موجوده

  3. iiKaRuS

    علشان تعرفون بس مدى التخلف الي موجود عندنا والفراغه وقلت الثقافه بصحافتنا

    يعني انا بعرف المره هذي شعرفها بكل نسفه وشنو تعني

    وانتي شدخلج تكتبين عن هالموضوع قلة مواضيع

لاضافة تعليق

زر الذهاب إلى الأعلى
إغلاق