News & Politics

الوجه اﻵخر

يا (اخوان) مو يمكن نكون غلطانين  ؟ إي نعم الغلط راكبنا من راسنا لاخمص القدمين .. ويمكن احنا مانشوف الامور مثل مايشوفونها الناس الثانية … ومن يوم ورايح لازم اغير وجهة نظري في اني اشوف الامور من (زوايا) اكثر سواء كانت الزاوية هذي ضيقة او (مفتوحة حدها) بس على الاقل لازم يكون هناك منطق آخر نستند عليه في تحليلنا للامور

البعض رفض عودة ناصر المحمد الى رئاسة الحكومة لانه مايصلح لها … مو يمكن الريال احسن واحد فينا ؟ مو يمكن يكون صج زين ؟ مو يمكن يكون ماعليه شي ؟ ويمكن الاعلام وبعض الشخصيات اهمه اللي بدأوا هذي الفتنة … كل شي جايز

جابر المبارك .. سمعنا (ولاحظوا كلمة سمعنا) انه أحد افراد  الاسرة اللي كانوا ضد الدستور والانقلاب عليه !! شفنا شي ملموس ؟ مجرد سماع للكلام

جاسم الخرافي .. 5 مرات رئيس مجلس امة .. يعني الحين الريال متعادل مع البرازيل يبيله المجلس ينحل ثلاث او اربع مرات يعني بو 10 سنين جدام ويطوف ريال مدريد في نسبة احراز الشامبيونز ليغ .. هل اللي زكوه اقل معرفة منا احنا الشعب ؟ ولا اللي كانوا يصوتونله مايعرفون شي واحنا نعرف ؟

أحمد الفهد … يقولون انه واحد من اطراف التأزيم … وارد وأقول انه اللي يدور مجرد كلام من فلان وعلان .. شفنا شي ملموس ؟ كلا ونعم

مختصر مفيد

البروصة اليوم خضرة … (هل كيف تقنعوني) انه هالحكومة مو زينة ؟ والتجار الكبار والصغار مستانسين ؟

بس اهم شي حكم بيت التمويل اللي طلع اليوم … اسعار الاراضي (شلّع)  و(ولّع) .. فووق فووق فووق

يالله سترك

أحد فهم شي من اللي بقوله ؟

***

القاكم بمقر الخرافي بالشامية بمناسبة احتفاله بالكرسي (المجيد) عندهم كنتاكي اليوم وكريسبي كريم … يازين البلاش

‫15 تعليقات

  1. هذي خدعة احسنوا الاختيار على قولة أحد الكتّاب

    ماسألتوا نفسكم قبل 40 سنة هل كان اختيارات الشعب خاطئة؟

    احمد الربعي

    سامي المنيس

    حمد الجوعان

    اخمد الخطيب

    احمد السعدون

    عدالله النفيسي

    أكمل ولا بس ؟

    منو يصدق النيباري يسقط ؟

    منو يصدق الجويهل اصواته اكثر من محمد عبدالقادر الجاسم؟

    منو يصدق انه نص الشعب الكويتي ما يصوت ؟

    مع الأسف بعد اربعين سنة من الديموقراطية استطاعت الحكومة السيطره على الشباب بأفكارها .. عكس جيل السبعينات اللي كان يفرض افكاره على الحكومة و حتى السلطة

    ونقّوا أي اسم يعجبكم من اللي فوق

    الزبده : الخلل في النهج .. النهج في إدارة الدولة .. وهذي لا الحكومة ولا المجلس السبب فيها

    على فكره .. محد سأل نفسكم ليش مها الغنيم و شيخة البحر ما يرشحون روحهم؟

    :)

    1. الاسماء اللي ذكرتها تاريخ بحد ذاته

      مها الغنيم وين ترشح عمرها بعد المصايب اللي حايشتها بغلوبل ؟؟

      شيخة البحر اعتقد شهرتها العالمية طغت على شهرة 4 نائبات والمجلس مو ثوبها حلاتها بالبعير


  2. جاسم الخرافي .. 5 مرات رئيس مجلس امة .. يعني الحين الريال متعادل مع البرازيل يبيله المجلس ينحل ثلاث او اربع مرات يعني بو 10 سنين جدام ويطوف ريال مدريد في نسبة احراز الشامبيونز ليغ”

    hahahahahahahahahahahah

  3. jaber ilmbarak ! NOO MAA3TGEED ! a7essaaa rayal 3ageel :P walla ,,,, Maadre ana SMAA3TT 3ala goulteek :P enailkhrafii ya36ii ily y9wtoula 7atta dakhel ilmajlis :S bss madre men 9e7at Haal kalam ,, weeh kfc maaa7baaaaaaaaaaaaaa kiiliishh :@ !! 7asaffa :P chan yaab chilis gharamiii :P

اترك رداً على jibla إلغاء الرد