يبدو أن مجلس إدارة جمعية النزهة التعاونية قد قرر إغلاق كافيه ستاربكس بسبب التجمعات الشبابية والازدحام الكبير في تلك المنطقة… ما رأيكم بهذا القرار؟
يبدو أن مجلس إدارة جمعية النزهة التعاونية قد قرر إغلاق كافيه ستاربكس بسبب التجمعات الشبابية والازدحام الكبير في تلك المنطقة… ما رأيكم بهذا القرار؟
اغلاقه مجرد في الفترة المسائية على الي فهمته من الاعلان
لان أغلب التجمعات الصبيانية تكون في ساعات متأخرة
غربلنا هالستاربوكس ، غير الوحمه الاشكال اللى تدخل المنطقه ، واخذ تقحص و ازعاج بالليل ، لكن الشغله الثانيه يبون يفتتحون فرع لبيت التمويل بالجمعيه و اصلا الحين ما تحصل مكان تصفط فيه سيارتك و لا مخصصين للبنك مواقف خاصه ، ما ادرى ليش هالاداره همها بس الايرادات على حساب راحة سكان المنطقه !!
المنطقة كانت هادية ونموذجية واختربت مع كثرة المطاعم
منطقتنا احسن منطقه تنام فيها العصر ، الحين لا العصر و لا بالليل ، هذا مقهى و جذيه لو كازينو جان شصير ؟!!
للأسف وظيفة مختار المنطقة مالها أي دور.
أمس تفاجأنا بعضوين من جمعية النزهة يدافعون عن الشايع وكيل ستاربكس بطريقة مضحكة وهي
ان هذا ة العائلة من أكبر و أقدم تجار الكويت؟
والنعم فبهم بس كان النقاش عن الإزعاج من وراء مقهى ستاربكس وليس العائلة المالكة.
يالله دوس بانزين
تعال شوف حالنا بابوالحصاني من فتحوا المطاعم واحنا بيوتنا مانعرف ندشها
ماتقدرون تقدمون شكوى عليهم؟
اي شكوي تنفع؟ اذا المجلس البلدي اجازلهم مطاعم بين بيوت وبعدين سحب القرار مايقدر يغلقهم
كل يوم هوشة مع الناس , يسفطون سياييرهم جدام الكراج ومانقدر نطلع ولاندش
ستاند ستاربكس و يبيع قهوه و خلاص ! للأسف المناطق السكانية صار مافيها هدوء و سكينه … تخلص من أزعاج المطاعم و الكافيهات
تييك أزعاج الوافدين إلي ساكنين في المناطق السكنية و يسوي عيد ميلاد زوجته و تصير حفلة كابلز !
لاعت جبدنا .. الناس قاعدة في شقق و أدوار لمتى !
مشكلة ستاربكس النزهة تحديداً إن موقعه منعزل و ظلمه .. عندك ستاربكس العديلية مافيه مشكلة لأن مكانه على شارع رئيسي و كله ليتات
تصدق!!! هذي بعد شغلة مهمة علشان جذي دايما تلقى دورية وتخالف الموجودين المكان صاير شبهة هههه