Internet & Tech.

The Real Top Blogs in Kuwait

قبل أيام نشرت ترتيب المدونات الكويتية والخليجية حسب تصنيف موقع Botamba على الانترنت (اضغط هنا) من حيث عدد الـ Hits … راسلني أحد الاشخاص ليقول لي أن موقع Alexa يوفر معلومات أدق وأشمل من حيث الترتيب … اليكم القائمة

  1. 248am.com 184
  2. Frankom.com 192
  3. ilsul6ana.com 217
  4. Q8ping.com 223
  5. HiKuwait.com 310
  6. 360dewan.com 410
  7. 4thringroad.com 543
  8. 13cups.com 577
  9. Abo Flan 630
  10. hishersq8.com 638
  11. ansam518.wordpress.com 717
  12. somecontrast.com 966

Thanks L10N!

بكل صدق أقولها … شكرا لكم جميعا

‫71 تعليقات

  1. مبروك Frank
    الغريبة إن القائمة خلت من أي مدونة سياسية
    رغم إن في بداية ظهور المدونات بالكويت
    إشتهرت المدونات السياسية وبقوة مثل
    مدونة ساحة الصفاة وطاخ طيخ وأم صدة
    و Kuwait Unplugged
    فهل نقدر نقول إن إهتمامات الناس تغيرت؟

    1. بالعكس موجودين بس تقدر تقول النفس تغير شوي
      لازلت اتابعهم بس الغالبية قلّت في كتابتها وللحين لها جمهورها وأنا واحد منهم مانستغني عنهم

      1. لا بالعكس زين .. بس الترتيب هذا حق الزوار الكوتيين فقط

        (مثال)
        يعني اللي يكون مثلاً زوارة 1000 كويتيية و3000 سعوديين

        ومدونتك مثلاً 1500 كويتيين .. و500 سعوديين

        راح يبين انه ترتيبك افضل من ترتيبه في الكويت

        مع انه زواره اكثر من زوارك

  2. و الله يا أخ فراكوم أول شي بالبركة لك و لكل الإخوان و الأخوات أصحاب هالمدونات الطيبة ، مجهودكم مبين و تستاهلون كل خير

    لكن الحق ينقال إن موقع أليكسا مو مقياس دقيق و حقيقي لشعبية المواقع.. و بالطبع ليس مقياسا لمستواها ، و المسألة بالنهاية ليست مسألة تنافس بمنو عنده زوار أكثر ، لأن لو السالفة جذي جان موقع مدرسة المشاغبين يصك على كل الموجودين بهاللستة :

    http://bdr130.net/

    :D

    مصممي المواقع و الوب ماسترز لديهم أدوات تحليلة أفضل بكثير من أليكسا تمكنهم من معرفة مصادر زوارهم بدقة و تفصيل مما يتيح لهم الاستفادة الحقيقية من أرقامها و معلوماتها

    و على كل حال عليهم بالعافية و اللهم لا حسد

    :)

    ملاحظة أخيرة:

    موقع مارك فيه منتدى بالإضافة للمدونة مما ساعد على رفع تقييمه ، و هذي واحدة من الأشياء اللي تبين إن هالأرقام مو ثقة و مو مقياس حقيقي

    1. سبق وأن أشرت الى أن اليكسا مو مقياس وأنا معاك في هالشي
      بس يبقى التنافس أمر جميل
      :)

      يمكن الارقام هذي هي خاصة بالكويت لان علم الدولة يدل على انها محدودة في هذا المكان

      1. نعم ترتيبه بالكويت

        و لاتحرجني بالسؤال عن شنو اهوه بالضبط لأني ما أدري
        :D

        اهو منتدى و شات على قولتهم و مدونة و فيه رنات (شخباري!) و ابتسامات و تحميل أغاني و أناشيد و قسم البث التلفزيوني (اللي نص القنوات اللي فيه ما تشتغل أصلا) .. و أهم شي توبيكات للمسينجر (وات إفر ثات إز) و المرجع الإسلامي و رسائل حب إس أم أس و قصص و روايات و قبائل و أنساب و غيرها العشرات من الأقسام … يعني ولا ياهوو أيام عزه

        تبي تسوي موقع يضرب عالي بالأليكسا سو نفسه

        :)

      2. و على فكرة أنا شخصيا استفدت كثيرا من هاللسته لأنها قبل كل شي تبين لنا نوعية المدونات و المواضيع اللي تجذب الكويتيين ، يعني منها استفادة اجتماعية و ثقافية

        :)

  3. عزيزي فرانكوم .. واضح ان هل احصائية غير دقيقة و لأسباب اولها ان في مدونات سياسية مو موجودة بالقائمة خير شر مثل مدونة بالكويتي الفصيح … و انا اذكر ان الرقم الي يدش عليها كان كبير جدا

    لهذا هذه الارقام غير دقيقة

لاضافة تعليق