بوراشد
شريت قبل فترة خط جديد لغرض واحد فقط الاشتراك بالاخبار المحلية والعالمية .. مابقى شي ما اشتركت فيه اقتصاد – سياسة – رياضة كل شي .. المهم قلت (بوراشد) يعني مشترك بكل الخدمات ما اشترك وياه .. المهم رحت واشتركت .. الريّال للامانة خفيف دم وينكّت ويجابل حلاله من صباح الله خير .. والاهم انه يعلّق على الاخبار اللي يطرشها
المهم … مابي أظلم الريّال بس الخبر اللي يوصلني من (الراي) نفسه بعد دقايق يوصلني من (الوطن) وبعدين بعد دقايق ثانية يوصلني من (بوراشد) مادري منو اللي يبوق من الثاني بس حلو ان الخبر يتأكد من كذا مصدر
بوراشد اليوم بدّع .. شوفوا المسج اللي معلّق عليه اهو بنفسه
” شتقول عن ديره حماة الدستور والديموقراطية فيها يدعون للتجمع بساحة الارادة للمطالبة باجراءات مخالفة للدستور وغير ديموقراطية ؟!” … يرد يعلق على سؤاله (الحبيب فاضي) ويقول : ” شكل ديموقراطيتنا تفصيل وحسب الطلب والمصالح ! صج ديرة ماينزرع فيها الرقي ! “
انتهى الاقتباس
الحبيب يعني طالع فيها وينكّت … طويل العمر … منو قال التجمع بساحة الارادة مو ديموقراطي ؟ الدعوة فيها للناس عامة واللي حاب يشارك فيها حياه الله واللي مو حاب هم حياه الله .. تبي ديموقراطية اكثر من (هيك) ؟ وبعدين انقلاب على الدستور ؟؟؟ طويل العمر خلني اقولك شغله (مجلس الامة) اللي اهو مجلس الشعب بالاساس تم طرد الشعب منه بسبب الخرافي وتقولي دستور وديموقراطية … وين اصرفها هذي ؟
بعدين انا اول مرة اشوف خدمة اخبارية (المفروض انها اخبارية محايدة) تميل لطرف على الثاني !! طويل العمر … يازينك على مسجات الوفيات والنكت ومسجات الصبح
تحياتي لك … ولاتخاف ماراح اكنسل اشتراكي معاك
forzaq8 Says:
هو بس بوراشد ؟
الكل مو فاهمين الدستور
ولا وين الله قاطهم
[Reply]
Posted on May 26th, 2009 at 10:36 PM
________________________________________________________________
حياتي هدف مو عبث Says:
كنت مشترمة بخدمتة بس غثني ولغيتها
ويا ملقة لي استخف دمه
مع صبح صبح
[Reply]
Posted on May 26th, 2009 at 10:40 PM
________________________________________________________________
حياتي هدف مو عبث Says:
مشتركة
[Reply]
Posted on May 26th, 2009 at 10:41 PM
________________________________________________________________
Mad Reds Says:
مشكلة من يدعي الفهم .. و هو عكس ذلك
[Reply]
Posted on May 27th, 2009 at 3:34 AM
________________________________________________________________
Banak o Nigil Says:
Hi, nice blog Frankom. I wanted to ask how do you subscribe to Al Wattan & Al Rai? And is it possible to get a trial first before fully subscribing? Also how often do they send you news messages and what type (do they cover all news area) ?
[Reply]
Frankom Reply:
May 27th, 2009 at 9:25 AM
Banak, Thanks. check http://www.alraimedia.com and check alwatan.com.kw
[Reply]
Posted on May 27th, 2009 at 4:16 AM
________________________________________________________________
Om 3azooz Says:
Frankom, We are beiruting after couple of hours etwasy 3ala shay min ihnaak ? ;P
[Reply]
Frankom Reply:
May 27th, 2009 at 8:43 AM
Tro7on o trdon bel salama inshalla :)
[Reply]
Posted on May 27th, 2009 at 8:14 AM
________________________________________________________________
Ansam Says:
For some reason, I dont like to subscribe for any of those services, yet I receive forwards from friends all the time hehehe
and with the BlackBerry messenger (BBM) I get it more than once :-S
[Reply]
Frankom Reply:
May 27th, 2009 at 9:21 AM
انا من مشكلة الفواتير اللي صارتلي مع زين وخاصة لما وصل المبلغ 107 دنانير لغيت كل الخدمات وشريت خط ثاني مو فواتير علشان اتابع كل فلس
صرت مثل بوهباّش
[Reply]
Posted on May 27th, 2009 at 9:05 AM
________________________________________________________________
HJ Says:
I am so addicted to Bu Rashid!
[Reply]
Posted on May 27th, 2009 at 2:43 PM
________________________________________________________________
نواف Says:
مرحبا فرانكوم ..
ردي ماله علاقة بالاعلان واحذف بعد ما تقراه
شوف هالاعلان على جريدة الراي أمس
http://www.up-00.com/dafiles/IFw27356.jpg
شوف السطر الخامس لما يقول لبيك يا فلسطين لبيك يا المسجد الاقصى لبيك يا ارض الجولان لبيك يا جنوب لبنان والطامة بعدها يقول لبيك يا شرف مكة !!
القاسم المشترك الوحيد اللي قدرت اشوفه بين المذكورين هو انهم محتلين من الغزاة والصهاينة .. فلسطين جنوب لبنان والجولان .. ما فهمت كيف يكون شرف مكة منتهك مثل ما سبقوا !
وبعدها يروح يغلط على الانظمة العربية العميلة ! وطبعاً جمع الجميع ولم يستثني لا شريف ولا عفيف ..
انتظر منك بوست عن هالموضوع !
[Reply]
Frankom Reply:
May 27th, 2009 at 7:46 PM
نواف
ليش احذف تعليقك ؟
ماقلت شي غلط بالعكس اضم صوتي لك
الناس قامت تعلي باحاسيس العالم غصب والكل قام يتكلم على هواه
اشكرك
[Reply]
Posted on May 27th, 2009 at 3:33 PM
________________________________________________________________
Environmental Says:
ma yebt 6aary mobarat elyoom???:P
[Reply]
Frankom Reply:
May 27th, 2009 at 7:39 PM
Environmental على نار على نار … اعصاب
[Reply]
Posted on May 27th, 2009 at 3:51 PM
________________________________________________________________
burashed Says:
مشكور عزيزي على الإعلان المجاني
بالنسبة للمسج فيبدو انك مافهمته مثل بعض الشباب اللي علقوا عليه عقبك.
أنا ماصادرت حقك بالتجمع وماقلت لك لا تروح أنا كلامي شلون تدافعون عن الدستور والديمقراطية وماترضون بمخرجاتها؟ بأي حق تطلب أن الخرافي مايصير رئيس؟ من حق الخرافي وكل النواب أنهم يرشحون نفسهم للرئاسة ولا أنا ولا أنت ولا غير يقدر يمنعهم إحنا أخترنا نوابنا وفوضناهم يمثلونا في المجلس والدور عليهم أهم اللي يختارون حسب توجههم ورؤيتهم. وبعدين تطلب مني الحياد؟ على شنو أكون محايد؟ إذا مافي طرف ثاني مرشح نفسه للرئاسة . وبعدين إذا الخدمة مو عاجبتك أو أخبارها مبيوقة حسب كلامك من ملزوم تظل مشترك فيها!
وشي ثاني بالنسبة لموضوع الحياد في شغلة لازم تعرفها أن خدمة بوراشد هي خدمة شخصية صحيح مشتركينها وصلوا لله الحمد حول ال10 آلاف مشترك (قول ما شاء الله) ولكن تظلها شخصية ولهالسبب أنا تعمدت أحط صورتي وأسمي عشان لما تستلم الرسالة كأنها واصلتك من واحد من الربع مو من كمبيوتر أو جهاز أو واحد نكرة ماتعرف شنو أصله أو فكره أو شنو هدفه مثل بعض الخدمات الاخبارية الأخرى أو البلوغات اللي أصحابها مجهولين أو مختفين ورى أسماء مستعارة. أنا كلامي ورأي في المسجات هو نفسه في الواقع وما أعيش شخصيتين وحدة بالبلوغ والثانية بالواقع أو أتحرج أني أقول رأي الحقيقي في س أو ص من الناس .
عموما أشكرك مرة ثانية وأرجو أن يكون الحوار بيننا أو الردود من الأخوة المشاركين يؤكد رقي هذا البلوغ والقائمين عليه.
أخوك/ ثامر الدخيل
بوراشد
[Reply]
Frankom Reply:
May 27th, 2009 at 7:38 PM
بوراشد زيارتك لي للمرة الثانية افتخر فيها الصراحة ولاشكر على واجب وهذي ثاني مرة تقولي اعلان مجاني مادري ليش :)
على العموم المشتركين عندك انشاءالله اشوفهم 10000000 مشترك قول انشاءالله وقول آمين :) وانشاءالله خدمتك تكون حول العالم بعد شرايك ؟
بس يا عزيزي الانتقاد لابد منه واذا كنت تقول ان خدمتك خدمة شخصية فتقبل النقد مني انا .. لما واجهت مشكلة مع الراي وزين اول شي تكلمت عنه كان النظام ما قلت خدمتهم مو زينة ولاحظ اني ماقلت خدمتهم مو زينة … انت قواك الله على المجهود الرائع بس ياخوك انت تخاطب 10 الاف مشترك وما اعتقد ان هالعشرة كلهم نفس تفكيرك يعني لما تطرش رسالة فيها وجهة نظرك احترم وجهة نظر الثاني او الطرف الثاني الا اذا كنت تعتبر ان خدمتك نوع من التدوين الالكتروني الجديد فهذا شي راجعلك واكتب مثل ماتبي ولايهمك احد طال عمرك :)
بالنسبة حق اسمي او اسم المدونين الثانيين فهذي الله يطورلي بعمرك مو مشكلة امن قومي وبعدين احنا بالكويت يعني ماعتقد ان اكو واحد مايعرف اسم الثاني
واشكرك من صميم قلبي على تعليقك الثاني واحب ااكدلك اني لازلت مشترك وللحين الرقم 10 الاف مو 9999 :) .. تحياتي لك
[Reply]
Posted on May 27th, 2009 at 7:14 PM
________________________________________________________________
6umasha Says:
walla ana obooi kan mshtreek feha ! tgreeban shahar o bss ! gaaal ena feha nouu3 men iltafahha !! obooii rajoul syaasee li aad ilnuukhaaa3 nuu3a kilaa jraayeedd ! akhbaarr !! kilshay mshttreekk feh mal akhbaarrr !!
[Reply]
Posted on May 27th, 2009 at 7:23 PM
________________________________________________________________
burashed Says:
مشكور ياخوي وما قصرت
بس ما رديت على صلب الموضوع
موضوع نقاشنا كان عن سبب التجمع في ساحة الإرادة مو موضوع النقد .. لأو أني ما أتقبل النقد جان ما رديت عليك ولكن بالعكس أنا مقدر وجهة نظرك واحترمها ولو أني ما أتفق معاك فيها بس من حقك علي أني أسمعها وأعطيها حقها من النقاش.
بالنهاية إختلفنا والا انفقنا بنظل أحباب يا خوي
وبصراحة عجبني تعليقك .. ممكن تكون خدمتي نوع جديد من التدوين الإلكتروني.
مقدر وشاكر لك الوقت الي قريت فيه ورديت علي
وتحياتي
بوراشد
[Reply]
Frankom Reply:
May 28th, 2009 at 6:30 AM
بوراشد اعذرني والله مارديت وشكرا للتنبيه
ساحة الارادة أشبهها بدواوبن الاثنين
يعني باختصار
صرخة شعب :)
[Reply]
Posted on May 28th, 2009 at 12:18 AM
________________________________________________________________
6umasha Says:
alla buraashed ma3anna :P hehehhe
[Reply]
Posted on May 28th, 2009 at 4:32 PM
________________________________________________________________
bader Says:
يا اخوان كلنا عرفنا طريقه الاشتراك
بس ما عرفنا طريقه الالغاء؟؟
[Reply]
Frankom Reply:
October 12th, 2009 at 4:34 PM
اتصل بـ زين او الوطنية واطلب منهم الغاء الخدمة
[Reply]
Posted on October 12th, 2009 at 3:07 PM
________________________________________________________________
نوره Says:
بصراحه انا مليت من المسجات المزعجه وكل الاخبار تسد النفس حوادث وفيات حرايق
ماكو شي مهم يفيدنا
والظاهر انه يستنفع من ناس ثانيه
ماقول غير الله يستر عليك لانك *** ومنحاز مع ناس ضد ناس وفوق هذا شوف منو ربعه الجويهل ونبيل الفضل اكبر ناس معروفين بال
[Reply]
Posted on January 28th, 2010 at 4:47 PM
________________________________________________________________
حسين Says:
اخي بوراشد
للأمانه ومن غير لف ودوران انا فتريت على نص الخدمات
والاميز خدمتك 3 مرات مكنسلها ورادها
هذا دليل تميزك
سير ونحن ورائك
[Reply]
Posted on May 8th, 2010 at 7:32 AM
________________________________________________________________
بوراشد Says:
بواراشد ظاهره وستزول
[Reply]
Posted on July 10th, 2010 at 7:43 PM
________________________________________________________________
بوراشد Says:
طبعا نسيت اذكر اسباب نهايه بو راشد :
- مشاكل صحيه
- منافسين
- ماراح يكمل المشوار
- صار قديم
- طينته ثقيله
- البلد تكره وتحارب كل ناجح
- سعر الخدمه عالى
ارجو ان يتم الإستفاده من النقاط بالتطوير
[Reply]
Posted on July 10th, 2010 at 7:50 PM
________________________________________________________________