GalleryInternet & Tech.Misc.

نصب واحتيال أم مجرد تجارة وشطارة؟

أخذت جولة سريعة أمس على بعض محلات الهواتف لمعرفة أسعار الايفون 6 وللاسف مايحدث مصيبة بحد ذاتها.. في محلات منطقة شرق وجدت الايفون 6 سعة 16 قيقا بايت بسعر 380 دينار والبعض الاخر يعرضه بسعر 330 دينار مع العلم أن الايفون 6 بلس 128 قيقا بايت سعره الاصلي 270 دينار كويتي !!! تخيلوا الفرق الكبير بالسوق ومع الاسف الناس تشتري وهي مرتاحة البال والضمير!!

‫21 تعليقات

  1. بل هي تجارة وشطارة 100% والسبب أن البيع ليس اجباري ويمكن للمشتري أن ينتظر حتى تنزل الأسعار إلى طبعيتها كما هو الحاصل مع كافة الاصدارات السابقة التي تكون عادة في بدايتها غالية ثم تنزل أسعارها
    المشكلة في الناس التي تحب المظاهر التي لا تجلب سوى الخسارة على الجيب ، فقط حتى يقال أن فلان أحضر ايفون6 قبل فلان
    لا ألوم أصحاب المحلات والشركات ، فلسان حالها يقول إذا المشتري راضي ويدفع فلماذا لا أرفع السعر!؟
    أنا لا أدافع عن المحلات ، ولكن الحق يقال بكل صراحة ووضوح أساس المشكلة المشتري
    المحلات في نهاية الأمر إن لم تجد المشتري سوف تخفض الأسعار مرغمة عن أنفها وليس برضاها
    أخي فرانكوم.. مشكلتنا للأسف حب المظاهر البراقة والبرستيج أمام المجتمع
    ماذا سيجدث لنا إن لم نشتري الهاتف في أول نزوله ؟! هل سنموت؟ أم ينقص من قدرنا وقيمتنا الاجتماعية؟
    بكل بساطة ووضوح السخف وقلة التفكير والعقل هو من يجعل الطرف الآخر يستغل الناس في رفع أسعارها

  2. رزق القطاوه على الخاملات

    بيني وبينك هم زين يسوون بالي يشترون قبل لا ينزل بشكل رسمي يعني شوفوني شريته قبل السوق,,اكلها يا حضرة المميز

    1. الموضوع مو موضوع تميز و لا “هياط” ،،، في ناس مهتمة بمثل هالمنتجات و تحرص انها تشتريها اول باول من حسابها الشخصي و بما يناسب امكانياتها بدل الانتظار شهرين او ثلاثة … ثم ان مقارنة سعر البيع الحالي بسعر متجر ابل غير عادلة !! المقارنة يجب ان تكون مع اسعار امريكا خارج متجر ابل !! ادخل امازون و شوف كم ينباع الايفون بدال ما تعطي معلومات مغلوطة و تتهجم على بشر اشتروا اللي يبون بحر مالهم و بدون لا ياخذون من جيبك دينار

      بطلوا فهلوة رجاء

  3. اخوي اغلب المحلات وسوق الكويت بشكل عام ..هذي طريقتهم
    حسب يوريكا
    iPhone 6 16 GB price at 350 KD – 64 GB 380 KD – 128 GB 410 KD
    وجهة نظري .اي فون 6 ما يستاهل هذا المبلغ وراح ينزل سعره بسرعه واكثر من اي فون 5 اس

  4. انزين كل واحد حر بتصرفاته اخوي اذا انت ما تسويها مو معناته ان اللي سووها غلطانين ولا ظاهرة اجتماعية سلبية. و بعدين ليش تشوفون ..ان المشكلة هي المشتري؟ يمكن بعضكم ما يثمن الآيفون ب ٤٠٠ دينار، لكن بنضر ناس ثانية يسوى ٤٠٠ دينار. لان بكل بساطة هذا السعر لا يعكس قيمة الآيفون انما يعكس مدى اهميته عند الشخص اللي شراه. وهذي نظرية معروفة بالاقتصاد تسمى ب Veblen and Giffen goods. و مادري ليش تشوفون ان الشخص لازم يكون سخيف وقل عقل عشان المحلات تبيع الآيفون بهذا السعر. كل واحد عقله براسه وهذي شطارة من المحلات لانها تقدم سلعة من الصعب الحصول عليها في وقت قصير. تقدرون تقولون ان فارق السعر الحقيقي هو اتعاب المحلات في الحصول على الجهاز. وبعدين ترى يوم عن يوم الاسعار ترتفع.

    1. اويلااه عالمنطق,,لا وكلمتين انقليزي ,,مبين صاحبنا مندبس وشاري الجهاز

      يا بعد جبدي انت ما راح تفهم اكثر من شركة ابل الي قيمت جهازها حسب قيمته واهميته وتفاحته المقرومه وحطته بنص السعر الي انت شريته فيه,,قيمته عندك نفسها لو تنطر اسبوع لين ينزل سعره للسعر الرسمي,,مايصير كل واحد يقيم على كيفه ويشتري على تقيمه باجر انا اقول بطل الماي ب10 دنانير لان قيمته عندي تسوا

      1. لا والله و ربي يشهد علي اني ما شريت الآيفون وانا مقيم في لندن واقدر احصله بسعره بس انا استعمل السامسونق وكنت استعمل الآيفون بس بكل بساطة السامسونق عندي افضل. مو شرط اكون شاري الآيفون عشان اطرح وجهة نظري. وبعدين اي كاتب كلمتين انقليزي شنو العيب في الموضوع؟ عموما هذا تخصصي في الجامعة وفاهم شقول لكن ماراح اعور راسي عشان اقنع احد.

        تقبل مروري

  5. السلام عليكم اخوي انا حدثت الايفون بالصدار الثامن
    و صارت ما اقدر ارسل الفيديوهات القديمه عندي
    و لا يطلعون عندي بالواتس اب

  6. حريه شخصيه للي يبي يشتري ونحترم هالشي
    بس بالاخير هذا تشجيع حق التجار انهم يرفعون اسعار كل شي
    وبالاخير الناس بس تتحلطم هالتاجر حرامي اسعاره غاليه
    ياخي من الاول قاطعو ولاتشترون
    وكلامي عن اغلب البضائع والمنتجات الغير ضروريه الي مجرد كماليات وشكرا

  7. ماني فاهم ليش محتر اخ فرانكوم؟
    في ناس عندهم الفلوس ماتفرق 1000 والا دينار ماشاءالله وياخذون عادي
    المصيبة اللي عايش علي المعاش ويشتريه صح الغلط منه
    والناس مستويات مادية مختلفة , الا يصير رخيص والا اللي يشتريه ماعنده سالفة؟

    1. ممكن سؤال … ليش فسّرت كلامي على اني محتر ومافسرته أني أقف بصف المستهلك اللي في كثير من الاحسان ما يميز الصح والخطأ ؟

      1. المستهلك ماهو غبي علشان مايعرف يميز بين الصح والغلط , يدري ان سعره بينزل ويقدر ياخذه الحين المقتدر , واللي ماعنده ينطر

  8. بعض الردود عقلياتهم ترفع الضغط ههههههه الله يعينك خيوووو وصدقني دام ربعنا هذي ردودهم خلهم مقصه ينضحك عليهم

  9. للاسف بوحمود
    انه الي يردون عليك اغلبها محلات وحذي حقيقه ويحاولون يقنعون بالكتابه انه الامر طبيعي انا دكتور نفسي ودارس هالامور واتحدى انه احد من الردود السلبيه كويتي فسمحلي على هالكلمه متابع محب للمدونه

لاضافة تعليق