News & Politics

لا (فوم) بعد اليوم

أخبار سريعة عن (الفوم) من موقع – الان

بعد ما ‘مصخت ‘ السالفة
مواطن: تصنيع الفوم يتم محليا باحدى الشركات

نظرا للانزعاج الشديد من قبل معظم المواطنين بسبب رش عبوات الرغوة بالشوارع، والذي تسبب بوفاة أحد الأطفال وإصابة العشرات خاصة بالعين، وقد تم ترجمته حالة الغضب هذه من قبل وسائل إعلام مختلفة وتصريحات نيابية مغتضبة، والمطالبة بمنع استيراد ‘الفوم’ بعد تزايد وتكرار الحوادث سنويا. أحد المواطنين من خلال شكواه ل الان  أكد أن الفوم المستورد قليل جدا، وإنما الفوم المعروف والمشهور يصنع محليا من قبل إحدى الشركات المتخصصة بصناعة ملطفات الجو ومواد التنظيف.

خليجي يُهين ضابط بـ ‘الرغوة’

اتهم ضابط برتبة ملازم أول خليجيا باهانته برش الرغوة، مشيرا إلى أنه أوقف الخليجي خلال مسيرات عيدي الوطني والتحرير، وطلب منه تسليم ما بحوزته من عبوات الرغوة، وفوجئ الضابط بالخليجي يرش عليه كمية كبيرة من الرغوة، فأوقفه وأحاله إلى جهات الإختصاص

***

أنا أقول اللي يرش (فوم) حبس أسبوع وغرامة 500 دينار .. شرايكم ؟

‫55 تعليقات

  1. انا غير موافق

    خل الناس تستانس شوي والشركات تربح

    :-)

    أنا أقول لو يلغون هالاختفالات الماصخه الي مامنها فايده يكون أفضل بس يخلون العطله خخخخخخخخ

  2. انا للحين مو فاهم وين الوناسة بالسالفة انك ترش احد
    هذي قلة ادب وتعدي على الحريات
    فرانكوم ليش ما تكتب بوست عن الشهداء الله يرحمهم

    1. والله ياخوك المنظم للأعياد هاذي هو المسؤول والي رايح يتحمل مسؤولية نفسه

      يعني الحين الناس الي رايحين يشتكون انه تم التعدي عليهم ليش رايحين شارع الخليج ياحبيبي وهم يدرون انه مصخره بمصخره والسالفه كلها رغوة ومغازل !!

      الله يرحم الي ماتوا بس للعلم لايطلق عليهم اسم شهيد لأن الشهداء لهم صفات وبينتهم الاحاديث مو اي واحد يموت يصير شهيد

    2. والله ياخوك المنظم للأعياد هاذي هو المسؤول والي رايح يتحمل مسؤولية نفسه

      يعني الحين الناس الي رايحين يشتكون انه تم التعدي عليهم ليش رايحين شارع الخليج ياحبيبي وهم يدرون انه مصخره بمصخره والسالفه كلها رغوة ومغازل !!

      الله يرحم الي ماتوا بس للعلم لايطلق عليهم اسم شهيد لأن الشهداء لهم صفات وبينتهم الاحاديث مو اي واحد يموت يصير شهي

  3. أتمنى أن تقوم جهة رسمية بدراسة وتحليل للمواد المستخدمة في الرغوة، لا أستبعد وجود الكثير من المواد الخطرة والمضرة للصحة فيها

    1. لاحول ولا قوة الا بالله
      من متى كانت أفراحنا أحزان عاد والله نبهت ونبه الكثر من ان تنقلب الافراح ألى أحزان
      لا حول ولا قوة الا بالله

  4. salam
    واحد یروح بجیس اهله ویموت من اجل وناست شخص معتوه یرش الفوم
    خمس الاف بس وسجن اسبوع

    عموما حیائ الناس بالشرق لاقیمه لها

    1. what is the purpose of this foam beside fun ? they created this product for this kind of events
      now what i keep hearing from here and there that once the guy/girl done from it they throw them on each other !

  5. الفوم اغلبه مصنوع بالكويت وطبعا الاكثر انتشارا هذا ابو مغطة حمرا وهو طبعا من صناعات شركة “الشرهان” وهي نفسها الي تعبي الغاز مال الولاعات وغيره من الاستخدامات اليومية

    طبعا هذا رزق ورزق قوي ومو معقول اي شركه تستغني عن هذا الرزق وخاصه انه يضرب بفتره صغيره لكن يحقق ارباح عن سنه كاملة !

    وانت يا فرانكوم لو تحسبها بمخك انت نفسك ما راح ترضى ان ينقطع رزقك على حساب اوادم يستخدمون منتجك بشكل خاطئ وان حدث وتم ايقاف اي شركه او منع استيراد اي منتج من هالنوع ، ما راح يسكتون المؤيدين لهذي السلعه وراح يطالبون بمنع استيراد واستخدام السيارات كون لها نتائج خطره ، هذا مثال لانك تقول منتج حاله من حال اي منتج ثاني

    العيب مو من الفوم العيب من الاوادم الي يستخدمون الفوم والشركه غير ملامة ابدا دامها نبهة وقالت ان هذي السلعه سلاح ذو حدين ويرجى استخدامها استخدام صحيح والدليل على هالكلام موجود على ظهر العلبه نفسها ويعني لازم الشركات تقول وبصريح العبارة لا تخورنها و ترشون على بعض كأنكم مو محتفلين من سبعتالاف سنه !

    واسف على الاطاله لكن الموضوع ما يصير ياخذ اكبر من حجمه وهو بالاخير مجرد فوم وزوير وعوير رشوا على بعض !

    1. وانت لو تحسبها بمخك ما ترضى يموت ولدك ولا ينعمي اخوك علشان شغله تافهه

      السيارات لها حاجه ضروريه وما نقدر نستغني عنها لكن الفوم ماله داعي ونقدر نستغني عنه

      1. صحيح كلامك اخوي الفوم مو شي اساسي لكن مافي عيب ان نستخدمه بشكل صحيح وعاقل ، اما العيب في الاستخدام بشكل سلبي يعني انا استخدم لكن بتعقل !

        وانت ياخوي مافهمت كلامي انا قصدت ان العيب بالمستخدم مو السلعه ! يعني لو الناس تستخدمه ويكون في راسها وعي غير ان تستخدم والكل يرش على الثاني بهمجيه !

        ومقارنتي بين الفوم والسيارة كانت لتوضيح ان لكل منهما مساوئ وهذا اول ما يطري على من يفكر بالتجاره مو اي واحد يفكر من ناحيه الواقع وانت تدري الدنيا كلها تجاره تجاره واحنا السلعه العوده فيها واول ما يفكر فيه التاجر اهو سلعته يابن عمي اما العالم فبالطقاق !

        ارجوا ان تكون الفكره وضحت بالنسبه لك

        تحياتي

      2. فاهمك اخوي ولكن مستحيل انك تفهم كل الناس ان هالشي فيه استخدامه ضار على الجلد والعين وقد يدخل في المجرى التنفسي من خسمك او حلجك ويسبب لك ضيق تنفس والله طلع واحد على الراديو يقول من السنه الي طافت وللحينه يراجع علشان صدره دخل فيه فوم وهالكلام على ذمته اعتقد الدكتور من عيال الجزاف

        خصوصا ان الرش راح يكون بشكل عشوائي يعني حتى لو اني حذر ما اضمن انه ما يدخل بعينك او حلجك

        انا معاكم انه وناسه وتعودنا عليه من واحنا صغار ولو يمنعونه بشنو نستانس لكن الشي زاد عن حده ومسحيل تصيطر عليه مثل الاخ الخليجي الي راش الشرطي حسباله الشرطه من ضمن اللعبه

        الافضل منعه منعا باتا علشان تضمن عمرك وعمر اخوانك وعيالك اصلا هو ممنوع واذكر قبل سنتين او ثلاث كانوا يجمعونه من العالم بس الحين ما ادري شالسالفه

        وآسف على الاطاله

      3. شلون نستخدم الفوم (بتعقل) اخ كراك؟
        ولاتحاتي محد يقطع رزق احد الارزاق من السما
        يتروالي اهم مايبون هالرزق عقب ماماتو هالمساكين

  6. لازم يمنعون الفوم لازم

    خو في ناس مايهمهم يستغلون هالمناسبات يخلون السايق يقط عيالهم بالسالميه ويا الفوم عشان يفتكون منهم
    هذا غير الابهات اللي بناتهم جدامهم جماغات وصراخ وضحك وترشش فومات عالشباب ومايبي احد يحوش بنته

    الشرطه شايفين بلاوي بس شيقدرونه يسوون فقاره ماكو قانون رسمي يمنع المسخره اللي قاعده تصير

    يبا اللي يحب ديرته يخلص بدوامه
    يشد حيله بالدراسه
    يخلي ديرته نظيفه
    مو يرش رش فوم عالعالم ويذبح عيالهم

    حسبي الله عليهم ذبحو بهاليهال وللحين يقولون خل العالم تستانس

  7. للاسف انصدمت ان الفوم الي اسمه هلو فبراير الي اهوا افضل نوع لانه قوي ويوصل بعيد والي ذكره احد الاخوه فوق قال بو غطا حمر صناعه كويتيه

    وبالنسبه للاخ الي قال ما ترضى ينقطع رزق احد علشان الاستخدام الخاطئ اقوله اكيد المصنع ينتج شغلات وايده غير الفوم فيستغني عن هالمنتج في صالح البلد والشعب ومايصير كل همه شلون يطلع فلوس

    1. ماعندي فكرة عن الماركات او قوة الفوم
      قبل كنا نستانس بالفوم لانه وناسة ماكنا نسوي شي فلط حق الناس
      الحين يلحقون ويرشون ويفتحون الباب وغصب أرشك وارش اهلك
      وين قاعدين ؟

      1. ya o5oy elmoshkela mo inna bas yel7egoon elnas,,elmoshkela inhom yero7on 7ag el7arem elkbar elly a3marhom 60 w 70 yrs w yershonhom,,ana 5alty 3omrha shay w sab3een w kano el ahl m2ajreen bus ra7o 3endaha big boys mo akal men 20yrs old w rashoha rash,, elmoshkela inna ma gam ye9eer feh ay i7teram la lel kbeer wala elsgheer,,gabel kenna nresh 3ala elhdom w elsha3ar belkether w al7een aham shay 3endohom el face!!!!
        w belnesba 7ag Mr crack mafeh iste3mal ejaby halyomen kella salby w itha 3ala eltejara la o5oy bel6agag ib haltajer elly mo hamma ma9la7at elnas ,,o5oy Mr crack mako a7ad ib hal ayam yesta3mel el foam iste3mal 3agel lel asaf,,
        w sorry 3ala el i6ala,,NO FOAM

  8. من بعد الغزو صارت الاحتفالات رش فوم ورقص
    والداخلية خلت الحبل على القارب شنو تتوقعون بيصير
    قاعد اشوف احتفالات الهند وعروضهم العسكرية صح زحمة بس مرتبين و موشرط العالم تحتفل من ساعة 3 الي الساعة 12 سولهم عرض مغاوير وثاني يوم طيارات وجراغي وانتهت السالفة

    المشكلة مو بالفوم المشكلة بالتربية مر المجمعات ولا حتى الجمعيات وتشوف المصخرة بكل يوم امش بالشارع تشوف واحد كاتب البن مال بلاك بيري وهذيج معطله السايد علشان تضيفة دش مطعم يقعدون يمك ولا جدامك شباب يتحجون جنهم بالدوانية شفت الي رايحين المسيرة ووياهم سجاجين وعجرات بلا شنو رايح تحرر فلسطين هذيلي رايحين ودارين احتمال 50 بالامية بيتهاوشون
    بلا اي وناسه هذه

    العسكرين الثلاث الله يرحمهم من شرطة الدراجات النارية
    شلون تخرجو معلمينهم بقواري

  9. الاسبوع اللي فات جدامي بالجمعية ضابط مع عياله يشترون رغوة ، و الضابط يضحك يقول احنا نقول حق الناس لا تشترون و اخرتها احنا اللي نشتري و حق عيالنا.

    قلت بنفسي دام هذيل أصحاب القانون لا بالله فلحنا.

  10. I totally agree with the principal of banning foam canisters from entering Kuwait, and punishing anyone who uses an alternative (e.g. Nair, shaving cream..etc etc) with a hefty fine (200 KD +)

  11. Last year i was driving late (around 2 am) on the gulf road with a friend of mine. for a split of a second as the road was empty i was trying to fix the radio frequency to match my ipod, and suddenly i hear a big “splash” hitting my windshield. I look, and the windshield was completely covered with foam and i could see nothing. A guy had popped out of the roof of his car infront of me and sprayed 2 cans of foam on my windshield. Instantly he threw the cans having one hit my windshield and another on the street which landed right under my tired and blew up my front tire which cause the car to drift to the right where another car was passing and i hit it. It all happened in less than 2 seconds, and i wasnt there to celebrate nor was it time for celebration at such a late time.

    NO FOAM!

  12. لما تقولين حسبي الله عليهم هذه دعوة على الناس اللي للاسف جهلج للامور خلاهم بنظرج مجرمين . لعلم اللي تدعين عليهم عمرهم ما ضرو احد بشي ولولا سمعتهم الطيبة ما ستمر العمل 43 سنه ما اعتقد ان عمرج من عمرهم بالعمل لكن للاسف مثل الثقافة السيئة للفوم هم هناك ثقافة ممثالة لها بالراي . من يريد ان يعرف الحقايق لابد ان يسعى لها لا تصيرون ناقلين كلام وبس الانسان يفهم شنو اللي صاير بهالامر . اللي يقول تبون تذبحون عيالكم والا يقول يعمي العين واللي واللي وما راح نخلص من كل الادعات الكلاذبة اللي وهمو الناس فيها , منتج الشرهان ما فيه من هالامور شي والناس نزلت اعلان بهذا الكلام ولو ان كلامهم غير صحيح ما ينزل لهم الاعلان … خافو الله في انفسكم وفي سمعة الناس

لاضافة تعليق