News & Politics

المدونة للبيع

صحيح اني لم أعد أتحدث بالسياسة لسبب بسيط وهو وجود مدونات أخرى أفضل بكثير مني ولها جمهورها وقادرة على ايصال الرسالة بطريقة أفضل وأعمق … الخبر المنشور على صفحات جريدة القبس (اضغط هنا)  ليس بجديد على الاطلاق ! بل أن المراقبة موجودة منذ سنوات ولكن يحتاج الامر الى مجرد خبرين أو ثلاث حتى يتأقلم الشارع مع مثل هذه الاخبار !! ولكن مالهدف منها ؟ وكيف ستتم المراقبة وعلى أي أساس ؟

الوضع من سيئ الى أسوأ !!

صباح الخير

‫43 تعليقات

  1. هالحكومه بدال ماتراقب المدونات خل تروح تراقب شارع الخليج الفارسي !! ولا خل تشيل العلم الي انحط بالمعسكر !!

    حكومة مشغولة بسجن شباب الكويت ماذا نرجوا منها !!

    غياب للامن العام ومراقبة مدونات المساكين :-(

    1. صرنا احنا الاولويات
      ولا مدرس يسب الكويت والشعب ينخصم من راتبه 10% وواحد بالادلة يتكلم عن رئيس الحكومة ينسجن ثلاثة أشهر
      الشعب صار طوفة هبيطة ورئيس الوزراء صار أعلى ؟؟؟

      خلها على الله

  2. A7la 9ba7 :) bs 3ad lesh Hal akhbar elmor3eba?! Anyways khallo postatkom faniya reyathiya ejtema3eya ‘3etha2eya etc bs ba3do 3n eseyasa shlekom feha?! Mawaraha Ella waj3 ras :D

  3. الديرة كل مالها تصير دولة بوليسية اكثر
    قبل كنا نتغنى بديموقراطيتنا بس باحداث الشهرين اللي طافوا اكتشفنا ان ديموقراطيتنا وهم وحجي فاااضي

  4. شوف
    انا اقولك

    اذا نهايه العالم ماصارت 2012 :P
    نهايه الكويت بتصير ب 2010 لووول

    للأسف خلاص الكويت الحين على الحفه.. وانطر بعد جم سنه بتشوف شلون راح تنتهي
    وراح تصير مثلها مثل اي دوله افريقيه فقيره

    واذا صرنا مثل البحرين نعمه

    وقتها تدري شراح يصير؟ راح ننطرد من مجلس التعاون الخليجي
    وقتها لما ننطرد.. شوف عاد منو ياخذ الكويت يا السعوديه يا ايران :)

    الله يرحم الحال بس
    لا حكومه سنعه ولا مجلس سنع

    ولا كباريه ومدراء سنعين.. كلن يبوق بخير هالديره

  5. و شنو فيها المراقبه؟ بالعكس شي جيد
    المدونه يمكن تكون سلاح قوي , و تغير افكار ناس , سواء الى الاحسن او العكس

    لازم يكون في كنترول شوي, و خطوط حمره واضحه

    1. بغض النظر عن قوة وضعف المدونات
      الناس مو أغبياء مع احترامي لهم
      مو أي شي ينقال بالمدونات ممكن يكون صحيح
      حالهم جال الصحف

      نص الاخبار اللي بالصحف ملفقة وغير صحيحة

      1. الناس مو اغبيه, بس بعض الافكار تفتح ابواب

        اعطيك مثال بنفس المنطق, جريده الوطن قبل جم يوم كاتبه مقال “شيميل” صايدينه الشرطه!
        مجتمع الكويت محافظ , و لما يشوف مثل هالكلمات الغريبه و الدخيله بالجريده يسأل نفسه يعني شنو؟ و يبدي يبحث

        و طبعاً مو كل الناس نفس الشي :)

        في افكار و مواضيع المفروض اصحابها يخلونها حق روحهم , احتراماً للمجتمع الكويتي

  6. شيميل بالمدونه وينه؟؟
    لابد من بعض الرقابه خصوصا ان البعض تجاوز المباح من النقد الى التشهير والتجريح الشخصي والسب غير الكلام الفاضي والاشاعات بالاضافه الى التطاول على مسند الاماره
    غير هالملحدين لابارك الله فيهم حتى رب العالمين قاموا يتطاولون عليه
    وماعتقد احد يقبل بهالشي
    لازم يصير كنترول على المدونات مثل ماتفضل اخوي 7moon
    واللي يقول ان الكويت نهايتها 2012 اقوله انشالله الخليج كله بيزول وايران تزول والعراق وتبقى الكويت
    درة الخليج
    تحياتي

  7. خل يراقبون عند يدي .. شدعوه شسوو العالم خو اراء وقاعدين يقولونها جنهم قاعدين يسمعون ناس يسولفون بدوانيه .. مافيها شي
    بس اتوقع المراقبه حق الشغلات الغير طبيعيه .. مثلا شغلات سياسيه زايده عن اللزوم .. تطرف قوي .. شغلات دينيه تزعزع الايمان .. ومن هالسوالف
    يعني الشي الجايد .. بس هم مالهم حق يسوون شي كل انسان حر بوجهة نظره و طريقه تعبيره .. طالما الشغله تتم بكل احترام ورقي

    ماقول الا .. الله يشافي تفكير بعض الناس اللي مولاقيه شغل و تحط الحره بالمواطن التعيس

    وشكرا شكرا

  8. مالة داعي .. هذا حرية بالتعبير والحرية مالها قيود

    عيل وين الديمقراطية بالتعبير .. ولا بس الديمقراطية تنقال بامكان معينة :\

  9. انا مستانس على كل شي يسوونه الحكومه لانه كل شي يسوونه قاعد يرجع عكسي عليهم ومن حسن حظ الشعب انه الحكومه موقادره تستوعب

    قبل 30سنه كانت مظاهرات الاثنين عباره مئات او الف الفين شخص

    اما اليوم قمنا نشوف مظاهرات العقيله والاندلس الحضور وصل 15-20 الف يعني جمهور ملعب

    قبل 30 سنه اغلب المعارضين كانت اعمارهم فوق ال30
    اما اليوم قمنا نشوف معارضين الحكومه واعمارهم من 18- 25 والدليل ايام نبيها خمسه والكل شاف الشباب الصغار واقفين..يعني حتى الصغار لاعت جبودهم من التعسف الحكومي

    بالاضافه الى ذلك انضمت الطبقه المتوسطه الميسوره الى الطبقه تحت المتوسطه في خط المعارضه . يعني احنا نتكلم عن اكثر من 80% معارض من بين مليون كويتي

    زبدة الحجي: اذا استمر نفس الحال من بوق حق اموال الدوله عيني عينك وظلم بالناس وكليوم وترك مطفين الكهربا وقاطعين الماي وقاطين شباب صغار بالسجن كل ابو قال كلمه او كتب سطر يعبر عن رايه…حزتها راح نشوف بعد 5 سنين معارضات بالشوارع عددها 50 الف وفوق …. وبعد 10 سنين راح نشوف 100 الف…حزتها منو بيقضبهم؟

    وقتها اي اصطدام بين الحكومه والشعب راح تكون فيه الخساره للحكومه بدون شك

    نصيحه للحكومه: اذا نفسكم طويل ترى نفسنا اطول :)
    يا لاعب في ورق خسران…..لا تفكر ابد تربح
    لا تمثل علي هيمان ……تر هالدور ما يصلح

لاضافة تعليق